Японийә төвән палатаси тарқитилди

Японийә баш вәзири йишихико нода җүмә күни келәр айда елип берилидиған сайлам үчүн японийә төвән палатасини тарқатқанлиқини җакарлиди.
Мухбиримиз җүмә
2012-11-17
Share


Кишиләр бу нөвәтлик сайламда нода йетәкчилик қиливатқан “японийә демократик партийиси” ниң һоқуқни сабиқ баш вәзир шинзо абе башчилиқидики “әркин демократлар партийиси” гә тарттуруп қойидиғанлиқини пәрәз қилишмақта.

Җүмә күни чақирилған алаһидә йиғинда японийә парламент сайлимини 16 - декабир елип бериш қара қилинди.

Нөвәттә японийидики һоқуқ бешидики партийә - “японийә демократик партийиси” хитай билән болған арал маҗирасидики юмшақлиқи вә өткән йили японийидә юз бәргән деңиз ташқинини бир тәрәп қилиш усулидики суслуқи түпәйли японийә хәлқниң үзлүксиз бисимға учрап кәлгән.

Шинзо абе башчилиқидики “әркин демократлар партийиси” хитайға әң қаттиқ позитсийә тутуп келиватқан милләтчи партийә. Улар өткән һәптидики баянатида әгәр һоқуқ сәһнисигә қайта чиқса японийә дөләт мудапиә хамчотини йәнә ашуридиғанлиқини җакарлап хитайни биарам қилған иди.

Шинзо абе японийидики уйғур һәрикитини қоллиғучи япон сиясийонлиридин бири. У бу йил майда японийидә чақирилған дуня уйғур қурултийиға қатнашқан вәкилләрни қобул қилған вә японийә парламентида қурулған “японийә - уйғур достлуқ җәмийити” ниң баш мәслиһәтчиликини үстигә алған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт