Yaponiye töwen palatasi tarqitildi

Kishiler bu nöwetlik saylamda noda yétekchilik qiliwatqan “Yaponiye démokratik partiyisi” ning hoquqni sabiq bash wezir shinzo abé bashchiliqidiki “Erkin démokratlar partiyisi” ge tartturup qoyidighanliqini perez qilishmaqta.

Jüme küni chaqirilghan alahide yighinda yaponiye parlamént saylimini 16 - dékabir élip bérish qara qilindi.

Nöwette yaponiyidiki hoquq béshidiki partiye - “Yaponiye démokratik partiyisi” xitay bilen bolghan aral majirasidiki yumshaqliqi we ötken yili yaponiyide yuz bergen déngiz tashqinini bir terep qilish usulidiki susluqi tüpeyli yaponiye xelqning üzlüksiz bisimgha uchrap kelgen.

Shinzo abé bashchiliqidiki “Erkin démokratlar partiyisi” xitaygha eng qattiq pozitsiye tutup kéliwatqan milletchi partiye. Ular ötken heptidiki bayanatida eger hoquq sehnisige qayta chiqsa yaponiye dölet mudapi'e xamchotini yene ashuridighanliqini jakarlap xitayni bi'aram qilghan idi.

Shinzo abé yaponiyidiki Uyghur herikitini qollighuchi yapon siyasiyonliridin biri. U bu yil mayda yaponiyide chaqirilghan dunya Uyghur qurultiyigha qatnashqan wekillerni qobul qilghan we yaponiye parlaméntida qurulghan “Yaponiye - Uyghur dostluq jem'iyiti” ning bash meslihetchilikini üstige alghan idi.