Японийә даирилири фукушима райониға йеқин җайдики бир ядро реакторни тақиғанлиқини билдүрди

Бу йил 11-март японийиниң фукушима районида йүз бәргән йәр тәврәш вә деңиз ташқини мәзкур районға җайлашқан фукушима дәйичи ядро електр истансисини зәхимигә учратқан вә реактордин радиатсийә сарқиш һадисиси йүз берип, хәлқтә сарасимә пәйда қилған иди.

Нөвәттә зәхимигә учриған завут пүтүнләй контроллуқ астиға елинған болсиму, японийә хәлқи арисида әндишә техи түгигини йоқ.

Нәтиҗидә даириләр, йәр тәврәш райониға йеқин җайлашқан һамавка ядро електр истансиси тақашни қарар қилған.

Реактор шәнбә күни әтигән сәт 1 дәп рәсмий тақалған.

Шәнбә күни японийә баш министири наото кан хәлққә вәдә берип, фукушима атом қазасиға йолуққан аммиға берилидиған төләм үчүн мәхсус қанун чиқирилғанлиқини билдүрди.