Xitay da'iriliri “Yawro-asiya yermenkisi” ge hujum qilish weqesini tosup qalghanliqini bildürdi

Xitayning hökümet axbarat wasitiliri charshenbe küni xitay emeldarlirining sözini neqil keltürüp, xitay amanliq organliri Uyghur qarshiliq körsitish küchlirining bir hujum qilish weqesini tosup qalghanliqini bildürdi.
Muxbirimiz erkin
2011.08.31

Shinxu'a agéntliqining xewer qilishiche, ürümchi sheherlik partkom sékrétari ju xeylun “Bölgünchiler, diniy esebiyler we térrorchilar yermenkige buzghunchiliq qilmaqchi bolghan idi” dégen. Lékin u kimning, qachan, qeyerde, qandaq we néme üchün buzghunchiliq qilmaqchi bolghanliqini éniq chüshendürmigen.

Ju xeylun yermenkige qaritilghan hujum tosup qélin'ghanliqini élan qilghan bu peyt del pakistan prézidéntining yerkenkige qatnishish üchün kélip, ürümchini ziyaret qiliwatqan waqti idi.

Xewerde saqchilarning ürümchi ayrodromida pichaq élip ayropilan'gha chiqmaqchi bolghan bir kishini “Ayropilan uchqanda hujum qilishni pilanlighan” dégen seweb bilen qolgha alghanliqini bildürgen.

Yéqinda yene, birdin artuq kishining pichaq élip diwopo ayrodromidin ayropilan'gha chiqmaqchi bolghanda qolgha élin'ghanliqigha da'ir xewerler tarqalghan. Biraq da'iriler bu kishilerning kimliki we meqset-muddi'asi heqqide héchqandaq uchur bermigen idi.

Ju xeylun “Buninggha oxshash hujum qilish weqeliridin bir qanchisi saqchilar teripidin tosup qélindi” dep eskertip, “Hélimu yaxshi saqchilar waqtida qol sélip, zorawanliqni böshükide tosup qaldi” dep tekitligen.

Lékin yene bezi közetküchiler xitayning térrorluq hujumi tosup qélin'ghanliqi heqqidiki melumati gumanliq ikenlikini eskertip, ularning buninggha munasiwetlik adem ismi we héchqandaq maddiy pakit élan qilip baqmighanliqini, ularning bu xil sirliq weqelerni bahane qilip, da'im közige patqan Uyghurlarni basturidighanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.