Yawropa parlaménti kishilik hoquq komitéti ürümchi weqesi üstidin xelq'araliq tekshürüsh élip bérishni qollidi

Roytérs agéntliqining 1 - séntebir küni bélgiye paytexti bryusséldin xewer qilishiche, yawropa parlaménti insan heqliri komitétining bashliqi héydi ha'utala rabiye qadir xanimning mezkur parlaménttiki ziyariti jeryanida 5 - iyul ürümchi weqesi heqqide xelq'araliq musteqil tekshürüsh élip bérish toghrisidiki telipini qollidi.
Muxbirimiz gülchéhre
2009.09.01

Héydi hu'atalama sözide " men ishinimenki, bu yerde her tereptin xelq'araliq musteqil tekshürüsh arqiliq éniqlash zörür bolghan insan heqliri depsendichilikliri mewjut" dep körsetken.

Seyshenbe küni bryussélda ziyaritini bashlighan Uyghur milliy herikiti rehbiri rabiye qadir xanim, yawropa parlaménti kishilik hoquq komitéti bilen körüshüp, xitay hökümitining Uyghurlargha yürgüzgen siyasitini tenqid qilghan shundaqla xitay da'iriliri bilen biwaste söhbet ötküzüshni xalaydighanliqini bildürgen.

Rabiye qadir xanim yawropa parlaménti kishilik hoquq komitétining teklipige bina'en bryussélgha ziyaretke barghan bolup, uning ziyariti 5 - séntebirgiche dawam qilidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.