Яврупа парламенти хитайни лю шавбони қоюп беришкә чақирди

Пәйшәнбә күни яврупа парламенти баянат елан қилип, хитайни өктичи язғучи лю шавбони қоюп беришкә чақирди. Улар лю шавбониң тенчлиқпәрвәр бир паалийәтчи икәнликини, униң дәрһал вә шәртсиз қоюп берилиши керәкликини билдүрди.
Мухбиримиз ирадә
2010.01.21
Share on WhatsApp
Share on WhatsApp

Лю шавбо өткән декабирда хитай һөкүмити тәрипидин "питнә ‏- иғва тарқитип, төһмәт қилиш арқилиқ дөләтниң сиясий һоқуқини тартивелишқа, сотсиялистик түзүмни ағдуруп ташлашқа урунуш" қатарлиқ җинайәтләр билән әйиблинип, 11 йиллиқ қамақ җазасиға һөкүм қилинған.

Өктичи язғучи лю шявбо кишилик һоқуқ вә демократийә тәләп қилип, хитай мәркизи һөкүмитигә йолланған "2008 низамнамиси"ни тәйярлиғучи вә буниңға қол қойғучиларниң бири.
 
Хитай һөкүмитиниң барлиқ инсан һәқлири тәшкилатлири вә шундақла америка дөләт мәҗлисиниң уни қоюветиш чақириқлириға қаримай, лю шавбоға 11 йиллиқ түрмә җазаси бериши қаттиқ наразилиқ яратқан иди.
 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.