явропа бирлики хитай вә һиндистандин киридиған зәһәрлик маддиларниң көпийиватқанлиқини билдүрди

Явропа бирлики даирилири явропа базирида нервини мәст қилиш иқтидариға игә болған сүний бирикмә дориларниң көпийип кәткәнликини билдүрүп, алақидар орунларни буниң алдини елишқа агаһландурған.
Мухбиримиз ирадә
2012.11.15

Бирләшмә агентлиқиниң хәвиридә ейтилишичә, бу дорилар асасән хитай вә һиндистандин келидиған болуп, бу йил явропаға киргән дориларниң түри вә миқдари илгирики йиллардин көрүнәрлик һалда зор болған.

Даириләрниң билдүрүшичә, қанунсиз зәһәрлик мадда түригә киридиған бу хил дорилар мәхсус тор бекәтләр арқилиқ “мунча тузи”, “өсүмлүк озуқи” дегәнгә охшаш охшимайдиған исимлар билән сетилидикән. явропа бирлики хитай вә һиндистанда ишләпчиқирилған зәһәрлик дориларниң явропа базириға илгириләп киришини чәкләш үчүн қанун чиқириш тәклипини оттуриға қойған. Әмма улар бу басқуч аяғлашқучә болған арилиқта авам хәлққә бу дориларниң адәм тенигә қаттиқ зиянлиқ икәнлики һәққидә сават беришниң һәммидин муһимлиқини билдүргән.

Австрийә, иреландийә вә руминийә қатарлиқ бир қисим явропа дөләтлири болса аллиқачан буниңға қарши қанунни йолға қойған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.