Dunyada yémek bahasi örlewérip 44 milyon adem namratliqqa yüzlendi
2011.04.16
Buning ichide bughday, qonaq, qatarliq asasliq ashliqning bahasi 70% örlidi. Buning bilen dunya miqyasida 44 milyon adem namratliqqa yüzlendi.
Amérika awazining bayan qilishiche, eger buningdin kéyin yémek bahasigha qarita jiddiy tedbir qollinilmisa, yémek bahasi yene 10% örlise, dunyada turmush sewiyisi 1.25 Amérika dolliriliq eng töwen siziqqa chüshüp qalghan adem sanigha yene 10 milyon adem qoshulidu.
Dunya bankisining bashliqi zolikning körsitishiche, yémek bahasining örlep kétishige, asasen, ottura sherq we shimali afriqida yéqilghu bahasining örlep kétishi sewebchi boldi. Ashliq éksport qilidighan döletlerde tebi'iy apet yüz bérip, éksport miqdari azlap ketkenlikimu buning yene bir sewebi.
Xewerde éytilishiche, dunya bankisi bu mesilini hel qilish üchün pütün dunyagha, yémek mesilisini birinchi orun'gha qoyush, namrat we ajiz ademler topini qoghdash, ashliq éksport qilishni righbetlendürüsh, ösümlüklerdin yéqilghu ishlepchiqirishni azaytish, déhqanchiliqqa sélinidighan mebleghni köpeytish, yéngi téxnika qobul qilish tedbirlirini qollinishni teshebbus qildi.
Köp körülgen xewerler
RFA
- Ürümchidiki meshhur bina—“Rabiye qadir soda sariyi” ning chéqiwétilgenliki delillendi
- Kanada hökümitining on ming Uyghurni orunlashturushining tunji qedimi muweppeqiyetlik bésildi
- Rabiye qadir: “Xitay soda saraylirimizni chéqiwételeydu, emma u saraylarni tikligen rohimizni sunduralmaydu”
- Rishat abbas amérika dölet mejliside Uyghur tili, medeniyiti we xatirisini qoghdashqa téximu köp iqtisad ajritishqa chaqirdi
- CAB Doklati: “Ottura asiya xelqi shinjangdiki musulmanlardin bek ensireydu”