Ürümchidiki yundidin yagh ishlesh uwisi ashkarilandi

Yéqindin buyan Uyghur élidimu yundidin ayriwélin'ghan yémeklik yéghining bazargha sélin'ghanliqi melum boldi.
Muxbirimiz méhriban
2012.01.24

Xitayning tengritagh tor békitining 12-yanwardiki melumatidin ashkarilinishiche, yéngi yildin kéyin ürümchide élip bérilghan tekshürüshte, ürümchi shehirining tengritagh rayoni térekqum boghda kentidiki bir yundidin yagh süzüwélish orni pash bolghan.

Melum bolushiche, bu yundidin yagh süzüwélish ornidiki xitay aqqunliri her küni ürümchi shehiridiki réstoranlar we ewrez quduqliridin 8 tung yunda yagh yighidiken. Yundidin süzüwélin'ghan yaghning her kilogrami 5 yüendin yundidin yagh pishshiqlaydighan yene bir yagh zawutigha sétilidiken. Tekshürüshte bu orundin 93 tunggha qachilan'ghan 16 tonna yunda yagh bayqalghan.

Bu qétimqi tekshürüshte yene, saybagh rayoni, yéngi sheher rayonliridimu 86 orunda saxta yémeklik ishlepchiqirish nuqtiliri bayqalghan. Bu orunlarda süpetsiz sür gösh, sana'ette ishlitilidighan xuruchlar bilen pishshiqlinidighan purchaq yémeklikliri bayqalghan.

Igiligen uchurlardin melum bolushiche, bu xil saxta yémekliklerning köpinchisi namrat sheher puqralirigha hemde chet yézilargha apirip sétilidighan bolup, turmush shara'iti nachar bolghan Uyghurlarning bu xil saxta yémekliklerni istémal qélish éhtimali yuqiri iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.