Uyghur élide xeterlik hem zeherlik mehsulatlarni nazaret qilish charisini élan qilindi

Xitayning tengritagh tor békitining 9-aprél künidiki xewiridin melum bolushiche, yéqinda Uyghur aptonom rayon da'iriliri “Muhit hem insanlarning bixeterlikige zor xetiri bar mehsulatlarni toshushta nazaret qilish charisi” namliq höjjetni chüshürüp, nahiye derijiliktin yuqiri orunlardin özi tewelikidiki bu xil mehsulatlargha qarita nazaretni kücheytishni hemde mexsus tor alaqe liniyisi qurup, kütülmigen hadisilerni eng téz usulda melum qilishni telep qildi.
Muxbirimiz shöhret hoshur
2012.04.09

Belgilimide, Uyghur élide ishlepchiqirilidighan sana'et mehsulatliridin 11 xili éghir xetiri bar mehsulatlar tizimlikige kirgüzülgen. Bolupmu Uyghur élide pishshiqlap ishlinip xitay ölkilirige toshuluwatqan asan ot alidighan néfit, tebi'iy gaz, paxta mehsulatliri, tebi'iy gaz turuba yoli, muhitni bulghash derijisi éghir bolghan partlatquch dora, ötkür zeherlik déhqanchiliq doriliri, kislata, qeghez qatarliqlarni toshushta bixeterlikke kapaletlik qilish telep qilin'ghan.

Emma xewerde, mezkur bixeterlik tedbirlirining, muhit asrash yaki ijtima'iy bixeterlikni asasi meqset qilghanliqi we yaki muqimliqni qoghdashni asasiy meqset qilghanliqi bildürülmigen. Xitay hökümiti Uyghur élide birqanche qétim arqa-arqidin pichaqliq hujum qilish weqeliri yüz bergendin kéyin, bu tür hujumlarning yene dawam qilishidin we yaki shekil özgertishidin endishe qilmaqta idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.