زەھەرلىك سۈت پاراشوكى تۈپەيلى داۋالىنىشقا مۇھتاج بالىلارنىڭ سانى 47 مىڭغا يەتتى

خىتاي سەھىيە مىنىستىرلىقى پەيشەنبە كۈنى، نۆۋەتتە زەھەرلىك سۈت پاراشوكىنىڭ تەسىرى بىلەن دوختۇرخانىدا داۋالىنىۋاتقان ئۆسمۈر بالىلارنىڭ 11 مىڭغا يەتكەنلىكىنى، بۇنىڭدىن سىرت 36 مىڭ كىشىنىڭ دوختۇرخانىدىن چىققانلىقىنى بىلدۈردى.
ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩ
2008-10-09
Share

دېمەك بۇنىڭدىن دوختۇرخانىدا داۋالانمىسا بولمايدىغان بالىلار سانىنىڭ 47 مىڭغا توغرا كېلىدىغانلىقى ئاشكارىلانغان. بۇ خىتاي سەھىيە مىنىستىرلىقى سېنتەبىر ئېيىنىڭ ئاخىرلىرى ئېلان قىلغان ساندىن 3 ھەسسە ئارتۇق ھېسابلىنىدۇ.

فرانسىيە ئاگېنتلىقىنىڭ خەۋىرىدىن مەلۇم بولۇشىچە، خىتاي ھۆكۈمىتى، زەھەرلىك سۈت پاراشوكىنىڭ زەربىسىگە ئېغىر دەرىجىدە ئۇچرىغان سۈتچى دېھقانلارنى 3 يۈز مىليون خەلق پۇلى بىلەن تەمىنلىگەن بولۇپ، ئەمما سۈت پاراشوكىدىن زەھەرلەنگۈچىلەرنىڭ زىيىنىنى تۆلەپ بەرمىگەن.

زىيانكەشلىككە ئۇچرىغۇچىلارنىڭ ئائىلە تاۋاباتلىرىنىڭ تەلەپلىرى، ھۆكۈمەتنىڭ باستۇرۇشىغا دۇچ كەلگەن.

بۇ ئارىدا خوڭكوڭ بىلەن سىنگاپۇر ھۆكۈمىتى پەيشەنبە كۈنى، يەنە بىر قېتىم خىتايدىن ئىمپورت قىلىنغان يېمەكلىكلەر ئىچىدە مېلامىن بايقالغانلىقىنى ئاشكارىلىدى.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت