2009 - Йили җәрянида чошқа зукими билән өлгән адәм сани 659 ға йәткән

Хитай даирилири дүшәнбә күни тарқатқан учурларға қариғанда, хитайда 2009 - йили җәрянида чошқа зукими билән өлгән адәм сани 659 ға йәткән. Хитай сәһийә министирлиқиниң ашкарилишичә, буларниң көп қисми откән икки ай җәрянида өлгән болуп, техи 2009 - йил өктәбирдә 6 адәм өлгәнлики хәвәр қилинип , аридин икки ай өткәндә өлгәнләр сани бирақла 659 ға өрлигән.
Мухбиримиз җүмә
2010.01.04

Шу мунасивәт билән хитайниң мунасивәтлик даирилири хитайниң бәзи җайлирида чошқа зукиминиң йәнә тарқилиши мумкинлики һәққидә агаһландуруш бәргән.

Бу һәқтә тохталған хитай сәһийә министирлиқи җиддий әһвалларға тақабил туруш ишханисиниң директори ляң вәннйән: "кесәлниң бәзи җайларда тарқилиш хәтири йәнила мәвҗут болуп, буниң билән өлүм - йетим һадисилириму бир қәдәр көп болуши мумкин" деди.

Хәлқ гезитидә хәвәр қилинишичә, 2009 - йили ичидә уйғур елидә чошқа зукими бимарлири2858 гә, мәзкур вируста  өлгүчиләр 11 гә йәткән.

Хәвәрдә көрситишичә, уйғу елидә мәзкур зукамниң тарқилиш әһвали көрүнәрлик төвәнлигән болсиму, әмма 22 - декабирдин 28 - декабирғичә уйғур елидә диагноз қоюп йеңидин бекитилгән чошқа зукими бимари 79 нәпәр. 2009 - Йили ноябирда хитайда бәзи шәхсләр , даириләрниң чошқа зукимида өлгәнләр санини кемәйтип доклат қиливатқанлиқини оттуриға қойған иди.

Аридин узун өтмәй хитай һөкүмити буйруқ чиқирип, һәр дәриҗилик мунасивәтлик органларниң чошқа зукими вирусида өлгүчиләр санини толуқ мәлум қилиш керәкликини көрсәткән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.