Dunya Uyghur qurultiyining 5-nöwetlik qurultiyi parizhda muweppeqiyetlik axirlashti

Ixtiyariy muxbirimiz erkin tarim
2016.07.13
duq-5-qurultay-yepilish-murasimi-1.jpg Dunya Uyghur qurultiyining 5-nöwetlik yighinining yépilish murasimidin körünüsh. 2016-Yili 13-iyul, parizh.
RFA/Erkin Tarim

Dunya Uyghur qurultiyining 4 yilda bir qétim chaqirilidighan qurultiyining 5-nöwetliki firansiyening paytexti parizh shehiride ghelibilik axirlashti.

7-Ayning 11-künidin 13-künigiche dawamlashqan 15 dölettin 130 wekil we bashqilar ishtirak qilghan qurultayning 3-küni herqaysi komitétlar boyiche muzakire ötküzülüp, wekillerning telep-pikirliri otturigha qoyulghandin kéyin, nowatél méhmanxanisida yépilish murasimi ötküzüldi.

Dunya Uyghur qurultiyining yéngidin saylan'ghan bash katipi dolqun eysa riyasetchilik qilghan yighinda, d u q re'isi rabiye qadir xanim dunya Uyghur qurultiyigha teyinlen'gen meslihetchiler hey'iti ezalirining isimlirini jakarlighandin kéyin quran-tilawiti bilen axirlashti. Rabiye xanim yépilish sözi qildi.

Bu qétimliq qurultay netijiside, dunya Uyghur qurultiyining organlirida bezi özgirishler boldi. D u ning ijra'iye komitéti emeldin qaldurup, ornigha katiwatliq orgini tesis qilindi. D u q re'isi rabiye qadir xanim konkrét xizmetlerge arilashmaydighan,d u q saylimida eng köp awaz élip d u q ning mu'awin re'islikige saylan'ghan ömer qanat ependi pütün xizmetlerge mes'ul bolidighan boldi. Démokratik saylam netijiside dunya Uyghur qurultiyining rehberlik orginigha bezi yashlarmu kirdi.

Yighin neq meydanida dunya Uyghur qurultiyi birinchi mu'awin re'isi ömer qanat ependi we bezi wekiller bu qétimqi qurultay heqqidiki we buningdin kéyinki xizmetliri heqqide toxtaldi.

Dunya Uyghur qurultiyining 1-we 2-nöwetliki gérmaniyening myunxén shehiride, 3-nöwetliki amérika paytexti washin'gtonda 4-nöwetliki yaponiyening paytexti tokyo shehiride ötküzülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.