Awstraliyediki Uyghurlar xitayning chaghanliq féstiwalini yérimida toxtitip qoydi

Muxbirimiz shöhret hoshur
2016.02.10
Share on WhatsApp
Share on WhatsApp
kokbayraq-awtraliye-xitay-chaghan-paaliyitide-1.jpg Awstraliyede xitay elchixanisi teripidin uyushturulghan “Gherbiy awstraliye-junggo shinjang medeniyet féstiwali” da ikki Uyghur yigiti ayyultuzluq kökbayraqni chiqarghan körünüsh. 2016-Yili 8-féwral, sédniy.
Social Media

4-Féwral küni awstraliyede bashlan'ghan “Gherbiy awstraliye-junggo shinjang medeniyet féstiwali” 8-féwral künige kelgende sédniy tiyatirxanisida meghlubiyetke uchridi.

Xitay elchixanisi teripidin uyushturulghan bu pa'aliyetni xitayning Uyghur rayonida yürgüzüwatqan basturush siyasetlirini yoshurush we perdazlap körsitish dep chüshen'gen awstraliye Uyghur jem'iyitidin 4 kishi, yanlirigha ayyultuzluq kökbayraqni élip tiyatirxana aldigha kelgen. Bulardin ikki nepiri tiyatirxana ichige kirip kételigen, ikki nepiri tosup qélin'ghan.

Tiyatir bashlinip yérimigha kelgende, tiyatirxana ichidiki ikki Uyghur yigiti ayyultuzluq kökbayraqni chiqirip sho'ar towlighan we xitayning Uyghurlargha yürgüzüwatqan zulumini pash qilip söz qilghan. Bayraq we xitab awazidin chöchügen xitay tamashibinlar tiyatirxanidin qachqan. Féstiwal yérimida toxtashqa mejbur bolghan.

Biz bu weqe heqqide melumat élish üchün dunya Uyghur qurultiyining awstraliyediki pa'aliyetlirige mes'ul mu'awin re'isi memtimin ela bilen awstraliye Uyghur jem'iyitining re'isi jür'et abdukérim ependini ziyaret qilduq.

Bularning bildürüshiche, bu qétimqi bu medeniyet féstiwaligha, Uyghur rayonidiki sen'etchilerdin izzet ilyas, tursun'ay ibrahim qatarliq Uyghur sen'etkarlar we yene bir qisim tajik qatarliq bashqa millet sen'etkarliri qatnashturulghan.

Sen'et kéchilikini körüshke köp qismi awstraliyelik xitaylarni öz ichige alghan 1500 etrapida kishi qatnashqan. Yene bularning bildürüshiche, xitayning shu künki, Uyghur weziyitini normal, Uyghur xelqini bextlik dep teshwiq qilish pilani kökbayraq weqesi bilen bit-chit bolghan.

Yuqiridiki awaz ulinishidin, bu weqening tepsilatini shu künki heriketning shahiti we teshkilligüchilirining öz éghizidin anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.