Долқун әйса: «хитайниң б д т дики позитсийәси уйғур дияридики лагерлар мәсилисини хәлқаралаштуриду»

Ихтиярий мухбиримиз әкрәм
2018-08-15
Елхәт
Пикир
Share
Принт
Б д т ниң ирқий айримичилиқни түгитиш комитетиниң йиғинида, хитай вәкиллиридин соал соралмақта. 2018-Йили 13-авғуст, җәнвә.
Б д т ниң ирқий айримичилиқни түгитиш комитетиниң йиғинида, хитай вәкиллиридин соал соралмақта. 2018-Йили 13-авғуст, җәнвә.
webtv.un.org

Хитай һөкүмитиниң б д т ниң ирқий айримичилиққа қарши туруш йиғинида уйғур дияридики йиғивелиш лагерлириниң мәвҗутлуқини инкар қилғанлиқи хәлқара мәтбуатларда қизиқ тема болмақта.

Җәнвәдә 6-авғуст башланған б д т ирқий айримичилиққа қарши туруш комитетиниң 96-нөвәтлик йиғинида хитайниң кишилик һоқуқ вәзийити көздин көчүрүлгән, 10-авғуст күни 49 нәпәр хитай вәкилләр өмикигә б д т ниң алаһидә доклат хадимлири тәрипидин йүзгә йеқин соал қоюлған иди. 13-Авғуст күни хитай вәкилләр өмики соалларға җаваб берип, уйғур диярида миллий зулум йоқлуқини тәкитләш билән биргә йиғивелиш лагерлириниң мәвҗутлуқини пүтүнләй инкар қилғандин кейин, хәлқара мәтбуатларда бу мәсилә қизиқ тема сүпитидә орун елишқа башлиди.

Д у қ ниң мюнхендики баш шитабидин бүгүн игилигән мәлуматларға асасланғанда, йәнә көплигән хәлқаралиқ ахбарат органлири д у қ дин уйғур дияридики җаза лагерлири мәсилиси вә хитайниң б д т да буни инкар қилғанлиқ мәсилиси һәққидә бәс-бәстә зиярәтләрни қанат яйдурмақта икән.

Д у қ ниң рәиси долқун әйса вә муавин рәиси пәрһат муһәммиди әпәндиләр бүгүн йәнә д у қ тор телевизийәсидә сөһбәт өткүзүп, хитай һөкүмитиниң б д т да уйғур дияридики җаза лагерлири мәсилисини түптин инкар қилғанлиқиға қарита қурултайниң позитсийәсини билдүргән.

Б д т ирқий айримичилиққа қарши туруш комитетиниң 96-нөвәтлик йиғиниға д у қ ниң рәиси долқун әйса башлиқ 5 кишилик бир гуруппа уйғурларму қатнашқан иди. Пәрһат муһәммиди әпәндиниң билдүрүшичә, д у қ рәһбәрлири түнүгүн кәчтә җәнвәдин қайтип келипла рәисләр йиғини чақирип, б д т дики йиғин мәсилисини музакирә қилған һәмдә бу йил 11-айда җиддий рәвиштә «шәрқий түркистан миллий кеңиши» йиғини чақирип, лагерлар мәсилисини өз ичигә алған уйғурлар вәзийити һәққидә хәлқаралиқ көләмдә бир муһакимә елип баридиғанлиқини қарар қилған.

Д у қ рәһбәрлириниң билдүрүшичә, бу йил 11-айниң 9- вә 10-күнлири германийәниң мюнхен шәһиридә «шәрқий түркистан миллий кеңиши» йиғини чақирилиш билән бир вақитта, «дуня уйғур яшлириниң учришиши» йиғиниму чақирилидикән һәмдә бу икки йиғиндин 2 күн илгири, йәни 11-айниң 7- вә 8-күнлири д у қ иҗраийә комитетиниң 2-нөвәтлик кеңәйтилгән омумий йиғини өткүзүлидикән. 11-Айниң 10-күни чүштин кейин 1933-йили қурулған шәрқий түркистан ислам җумһурийити вә 1944-йили қурулған шәрқий түркистан җумһурийитидин ибарәт икки җумһурийәтни хатириләш паалийити өткүзүп, «истиқлал марши мукапати» ни тарқитиш паалийитиму биргә өткүзүлидикән. 8-Айниң 13-күни кәчтә елип берилған д у қ иҗраийә комитети телефон йиғинида йәнә бу йил 11-айниң 6-күни җәнвәдики б д т бинаси алдида кәң көләмлик намайиш тәшкилләш мәсилисиму қарарға бағланған иди.

Пикирләр (0)
Share
Толуқ бәт