D u q 6-nöwetlik qurultay ötküzüsh we rabiye xanimni aliy rehberlik ornigha teyinlesh qararini élan qildi

Ixtiyariy muxbirimiz ekrem
2017-08-07
Élxet
Pikir
Hembehr
Print
  • Print
  • Hembehr
  • Pikir
  • Élxet
D u q 5-nöwetlik omumiy wekiller qurultiyida xatire süret. 2016-Yili 13-iyul, parizh.
D u q 5-nöwetlik omumiy wekiller qurultiyida xatire süret. 2016-Yili 13-iyul, parizh.
RFA

D u q 6-awghust kechte 6-nöwetlik qurultay heqqide we rabiye xanimni qurultayning aliy rehberlikige teyinlesh toghrisida alghan 2 qararini teng élan qildi.

D u q ning bu yil 7-ayning 21-, 23-künliri gollandiyede chaqirilmaqchi bolghan aliy kéngesh yighini hemde 8-ayning 25-, 27-künliri gérmaniyede chaqirilmaqchi bolghan pewqul'adde qurultiyi rabiye xanim we qurultay da'imiy komitétining qarari bilen 7-ayning 17-küni birdek emeldin qaldurulghan idi.

8-Ayning 5-küni d u q da'imiy komitétining kéngeytilgen téléfon yighini chaqirildi. Yighin'gha rabiye xanim bashchiliqidiki qurultay rehberliri we bir qisim uyghur teshkilatlirining mes'ulliri qatnashti. Herqaysi döletlerdin bu qétimqi yighin'gha qatnashqan 30 neper wekil, qurultay re'isi rabiye xanimning pewqul'adde qurultay (6-nöwetlik wekiller qurultiyi)ni bu yil 11-ayning 10-künidin 12-künigiche gérmaniyening myunxén shehiride chaqirish heqqidiki qararini hemde qurultay da'imiy komitétining rabiye xanimni qurultayning aliy rehberlikige teyinlesh qararini démokratik shekilde awazgha qoydi we 30 neper wekilning 21 nepirining qollishi, 9 nepirining qarshi chiqishi bilen her ikki qarar testiqtin ötti.

6-Awghust d u q tor bétide élan qilin'ghan we ijtima'iy taratqularda keng tarqalghan "d u q re'isi rabiye xanimning pewqul'adde qurultay chaqirish heqqidiki qarari" da: "men sherqiy türkistan milliy herikitining lidéri, d u q ning re'isi bolush süpitim bilen 11-ayning 10-, 12-künliri 6-nöwetlik d u q wekiller qurultiyini gérmaniyening myunxén shehiride chaqirip, barliq ichki ixtilaplargha xatime bérip, pütün küchni xitay zulumigha qarshi meydan'gha merkezleshtürüsh üchün muhajirettiki barliq wetenperwer qérindashlirimni bu pewqul'adde qurultayni maddiy we meniwi jehettin qollashqa chaqirimen" déyilgen idi.

Bu munasiwet bilen ziyaritimizni qobul qilghan d u q re'isi rabiye xanim, bundaq bir qararni élishtiki zörüriyet heqqide öz qarashlirini bayan qilip ötti.

"dunya uyghur qurultiyi da'imiy komitétining rabiye qadir xanimni qurultay aliy rehberlikige teyinlesh qarari" da bolsa: "dunya uyghur qurultiyi da'imiy komitéti, qurultayni yilmu-yil jiddiylishiwatqan sherqiy türkistan weziyitining éhtiyajigha mas halda küchlendürüsh, yeni xelq'ara sehnide téximu aktip, téximu janliq bolush, jiddiy weziyet özgirishlirige qarita meyli idiye, meyli heriket jehettin bolsun, hazir jawab halette turush, teshkilat ichide birlik we ittipaqliqini mustehkemlep, sherqiy türkistan xelqi qurultaydin kütüwatqan ümid we teleplerge toluq jawab qayturush üchün, qurultay rehberlik qatlimida aliy rehber we re'islik tüzümini yolgha qoyushni toghra tapti" déyilgen hemde rabiye xanimni mezkur kéngeytilgen yighinda qurultayning aliy rehbiri qilip saylash otturigha qoyulghan.

D u q mu'awin re'isi, uyghur kishilik hoquq projéktining mes'uli ömer qanat ependimu bu toghrisida öz chüshenchilirini bayan qildi. U sözide, aliy rehber we re'islik tüzümining yolgha qoyulushi dewaning saghlam tereqqiyatining zörür éhtiyaji ikenlikini tekitlidi.

D u q ning mu'awin re'isi perhat muhemmidi ependi bu heqte toxtalghanda, mezkur ikki qararning zor tarixiy ehmiyetke ige ikenlikini ilgiri sürdi. U sözide, d u q ichide yüz bergen ichki krizislar düshmen küchler teripidin burmilinishqa uchrighan bolsimu, d u q axirida milliy birlik üchün ijabiy qedem basqanliqini ilgiri sürdi.

D u q bash katipi dolqun eysa ependimu pikir bayan qilip, bu qétim échilidighan pewqul'adde qurultayning muhimliqini tekitlidi

"dunya uyghur qurultiyi da'imiy komitétining rabiye qadir xanimni qurultay aliy rehberlikige teyinlesh qarari" gha asaslan'ghanda, rabiye xanim emdi qurultayning re'islik wezipisidin aliy rehberlik wezipisige almishidighan bolup, qurultay re'isi pewqul'adde qurultayda saylam arqiliq belgilinidiken hemde rabiye xanimning aliy rehberliki qurultay wekillirining testiqigha sunulidiken.

Toluq bet