D u q wekilliri yaponiyening waséda uniwérsitétida Uyghur mesililiri boyiche söhbette boldi

Ixtiyariy muxbirimiz haji qutluq qadiri
2016-05-31
Share
duq-yaponiye-waseda.jpg duq-yaponiye-waseda.jpg
Photo: RFA

30-May yaponiyede ziyarette boluwatqan rabiye qadir xanim bashchiliqidiki dunya Uyghur qurultiyi wekilliri tokyodiki waséda uniwérsitétida alahide söhbette boldi.

Waséda uniwérsitétida ötküzülgen söhbet mezkur uniwérsitétining asiya-tinch okyan fakultétining yighin zalida élip bérilghan. Söhbet kech sa'et besh yérimdin yette yérimgha qeder dawamlashqan. Söhbetke bir qisim proféssorlar, doktorlar, aspirantlar we kishilik hoquq teshkilatlirining ezaliri qatnashqan.

Yaponiye Uyghur birliki teshkilatidin igilishimizche, yaponiyede ziyarette boluwatqan rabiye qadir xanim bashchiliqidiki dunya Uyghur qurultiyi wekilliri tokyodiki qedimiy xususiy mekteplerdin biri bolghan waséda uniwérsitétida Uyghur mesililiri boyiche alahide söhbette bolghan.

Bu heqte ziyaritimizni qobul qilghan yaponiye Uyghur birliki teshkilatining re'isi doktor turmuhemmet hashim pa'aliyet heqqide melumat berdi.

Waséda uniwérsitétida ötküzülgen söhbetke ishtirak qilghan dunya Uyghur qurultiyining mu'awin re'isi ümid xemitning (agahiy) bildürüshiche, rabiye qadir xanim Uyghur élining weziyiti toghrisida tepsiliy doklat bergen bolup, doklatqa hetta mezkur mektepte oquwatqan xitay oqughuchilarmu ishtirak qilghan we rabiye qadir xanimdin köpligen so'allarni sorighan.

Dunya Uyghur qurultiyining mu'awin re'isi séyit tümtürkning déyishiche, u waséda uniwérsitétida élip bérilghan söhbette sherqiy jenubi asiya elliridin türkiyege yerleshken Uyghur musapirlar mesilisi toghrisida toxtalghan.

Séyit tümtürkning ilgiri sürüshiche, waséda uniwérsitétidiki söhbetke ishtirak qilghuchilar Uyghurlarning siyasiy weziyitige tolimu qiziqqan bolup, köpchilik birdek Uyghurlarning özini, medeniyitini we kimlikini saqlap qilish üchün xelq'ara jem'iyetning bu mesilige ortaq köngül bolushi kéreklikini bildürgen.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet