D u q rehberliri gherb diplomatliri bilen iptarda birge boldi

D u q rehberlirining bergen melumatlirigha asaslan'ghanda, myunxén shehiridiki d u q wekilliri bu yilliq ramzan kirgendin buyan chet'el diplomatlirining iptarliq ziyapetlirige daxil bolup we ularni iptargha teklip qilip, Uyghurlar mesilisi boyiche keng da'irilik söhbet ötküzüsh pursetlirige érishken.

D u q mu'awin re'isi esqerjan ependining éytishiche, bu yilliq ramzan kirgendin buyan d u q rehberliri amérika qatarliq bir qisim gherb elliri diplomatlirining iptarliq ziyapetlirige teklip bilen qatniship hemde ularni Uyghurlar namidin iptargha teklip qilip, Uyghurlar mesilisi toghriliq keng da'irilik pikir almashturush we nöwettiki Uyghur weziyiti heqqide chet'el diplomatlirini melumatlar bilen teminlesh pursetlirige érishken. Gherb elliri resmiy dölet xadimliri bilen bolghan bu uchrishishlar siyasiy dewa nuqtisidin zor ehmiyetke ige hadise hésablinidiken.

D u q ning yawropa parlaméntidiki wekili, yawropa sherqiy türkistan birliki teshkilatining re'isi enwerjan ependining bildürüshiche, u, d u q namidin ikki kün ilgiri amérika konsuli wélyam ependige bérilgen iptar ziyapitige daxil bolghan sorunda, Uyghurlar bilen amérika dölet xadimliri otturisida tarixtin béri shekillen'gen resmiy munasiwetler we hazirqi munasiwetler toghriliq toxtilip ötken. U yene Uyghurlarning amérika hökümitidin kütidighan teleplirini otturigha qoyghan we amérika konsulining so'allirigha jawab bergen.

D u q ijra'iye komitéti re'isi dolqun eysa ependimu bu iptar pa'aliyetlirige qatnashqan bolup, u bu munasiwet bilen ziyaritimizni qobul qilghanda, d u q xadimlirining gherb diplomatliri bilen bolghan bu xil munasiwetlirining Uyghurlarning chet'eldiki milliy dewasigha nisbeten zor ehmiyetke ige ikenlikini tilgha aldi.