D u q wekilliri yawropa sherqiy türkistan ma'arip jem'iyitini ziyaret qildi

Ixtiyariy muxbirimiz pida'iy
2013.12.17
duq-yawropa-sherqiy-turkistan-maarip-jemiyiti-ziyaret-1.jpg D u q wekilliri yawropa sherqiy türkistan ma'arip jem'iyitini ziyaret qildi. 2013-Yili 15-dékabir, gollandiye.
RFA/Pidaiy

15-Dékabir küni gollandiye Uyghur birliki teshkilatining rehbiri hey'etliri saylam pa'aliyitige nazaret qilish we yétekchilik qélish meqsiti bilen gollandiyege kelgen dunya Uyghur qurultiyining yaponiyede turushluq mu'awin re'isi ilham mahmut ependi, gérmaniyede turushluq mu'awin re'isi ümid agahi ependi we diniy ishlar re'isi turghunjan awudun hajim qatarliq wekiller mezkur saylam pa'aliyiti axirlashqandin kéyin, gollandiye Uyghur birliki wekillirining hemrahliqida yawropa sherqiy türkistan ma'arip jem'iyitini ziyaret qildi.

Méhmanlarni jem'iyet mes'uli obulqasim bashliq Uyghur jama'iti qizghin kütüwaldi. Obulqasim ependi méhmanlargha jem'iyetning qurulush tarixidin bügünigiche bésip ötken musapilirini qisqiche chüshendürüp ötti. Ilham mahmut ependi, ümid agahi ependi we turghunjan alawudun hajimlar inkas söz qilip, yawropa sherqiy türkistan ma'arip jem'iyitining utuqlirini tebriklidi we telim-terbiye ishlirining muweppeqiyetlik dawam qilishigha bolghan tilekdashliqini bildürdi, bolupmu bu jem'iyetning azade we pakiz bir muhit berpa qilghanliqini qayta-qayta medhiyilep, sétiwélish üchün qéliniwatqan hémmetlirining yükseklikige yuqiri baha berdi we köngül sözlirini izhar qilip, muhajirettiki Uyghurlargha nemune bolghudek bir netijini körüwatqanliqi bilen hayajanlirini ipadileshti.

Gollandiye Uyghur bérlikining yéngi re'isi abdusalam niyaz ependimu, ikki jem'iyetning bir-biri bilen buningdin kéyin téximu zéch hemkarlishidighanliqini we her ikkisi bir birining kemlirini toluqlap gollandiyediki Uyghur dewasi üchün tégishlik hesse qoshushta yardemlishidighanliqini bildürüp, gollandiyediki Uyghurlarning inaq-ijil ötüwatqanliqini ilgiri sürdi.

Wekiller gollandiyediki shexs we ammiwi teshkilatlar arisidiki ittipaqliqni medhiyilep, gollandiyediki Uyghurlarning yéqin kelgüside téximu köp utuqlarni qolgha keltüreleydighanliqigha bolghan ishenchisining ashqanliqini bildürdi.

Söhbetke ishtirak qilghanlar wekillerdin, ular turuwatqan yerlerdiki dewa ishlirigha munasiwetlik mesililerdin so'allar sorashti. Mes'ullarmu hem tégishlik jawablarni bérip köpchilikni razi qildi.

Ziyaret axirisidiki pursette öz tesiratlirini we tewsiyelirini bayan qilghan méhmanlar barliq radi'o anglighuchilargha salamlirini yollidi we ularni yawropa sherqiy türkistan ma'arip jem'iyitining bu xeyrlik ishlirida yardemde bolushqa ündidi.

Qizghin söhbet, birlik we barawerlikni namayan qilghan dostluq we yüksek mes'uliyetchanliq tuyghusi bilen hemdastixan bolghan wetendashlar birliship, söhbet axirlashqanda xatire resimge chüshti we addiyghina ghizalinip, du'asi tilekliri bilen qaytishti.

Bir qisim jama'et dunya Uyghur qurultiyi wekillirining xalisane ziyaritidin xursen bolghan halda, yene bir qétimliq didarlishishqa bolghan ümidlirini izhar qilip, ularni uzitip qoydi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.