"Yawropa sherqiy türkistan ma'arip jem'iyiti" yilliq xizmetliridin doklat berdi

Ixtiyariy muxbirimiz pida'iy
2016-01-05
Share
Yilliq-xizmet-dokilatidin-bir-korunush.jpg "Yawropa sherqiy türkistan ma'arip jem'iyiti" ning yilliq xizmetliridin doklat bérish yighinidin körünüsh. 2016-Yili 3-yanwar, gollandiye.
RFA/Pida’iy

2016‏-Yili 3‏-yanwar yekshenbe gollandiyediki "Yawropa sherqiy türkistan ma'arip jem'iyiti" yilliq xizmetliridin doklat berdi we iqtisadiy kirim-chiqim ehwalini élan qildi.

Pa'aliyet mezkur jem'iyetning zeyst shehiridiki merkizide, shu yer waqti péshin namizidin kéyin bashlandi. Ghelibe, beriket we toghriliq tépish ümidi bilen qur'an tilawiti qilinip bolghandin kéyin, abduraxman qarihajimning teqdim qilishida "Musulmanlar yoli" namliq derslikning dawami ishtirakchilarning diqqitide boldi.

Andin mezkur jem'iyetning mes'uli eysa qarajim ötken bir yilda jem'iyet namidin teshkillen'gen, qatnashqan we uyushturulghan pa'aliyetlerdin doklat berdi. Obulqasim abdu'éziz ependi yilliq kirim-chiqim ehwalini élan qildi. Köpchilik ders we doklatlargha alaqidar so'allarni sorap, jawablirini aldi.

Pa'aliyet ishtirakchiliridin ziyaritimizni qobul qilghanlar  bu jem'iyetning xizmetliri heqqide ijabiy bahalar berdi we xalis tileklirini yollidi.

Pa'aliyetke gollandiyediki Uyghurlardin bashqa bir qanche aydin béri her ayliq söhbet pa'aliyitige qatniship kéliwatqan bélgiyediki bir qisim Uyghurlarmu qatnashti we ziyaritimizni qobul qilip, yürek sözlirini radi'o anglighuchilirimiz bilen ortaqlashti.

Ariliqtiki dem élishlarda ghizalinish we namaz oqushqa pursetler bérilgen bu pa'aliyet, erkin söhbet we hal-mungdishishlar bilen kech sa'et 7 ge qeder dawam qildi.

Melum bolushiche, gollandiyede yashawatqan Uyghurlar "Yawropa sherqiy türkistan ma'arip jem'iyiti" ning asasliq xizmetliridin birige aylinip, yillardin béri ayda bir qétimdin dawam qilip kéliwatqan "Ayliq söhbet pa'aliyiti"  ning islamning ehkamlirini öginish, mulahize we munazire sheklide erkin söhbetlishish, öz-ara hal-mung bolush, didarlishish pursiti yaritip bergenlikidin memnun iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet