Gollandiyediki Uyghurlar "Ayliq söhbet" pa'aliyiti ötküzdi

Ixtiyariy muxbirimiz pida'iy
2016-10-04
Share
isa-qarajim-gollandiye.jpg Yawropa sherqiy türkistan ma'arip jem'iyitining katipi eysa qarajim ependi 1-öktebir xitay hökümitining tajawuzchiliq ghelibisige qarshi léksiye sözlimekte. 2016-Yili 2-öktebir, gollandiye.
RFA/Pida’iy

2-Öktebir gollandiyediki Uyghurlar yawropa sherqiy türkistan ma'arip jem'iyitide yighilip, mol-mezmunluq söhbet ötküzdi.

Shu yer waqti chüshtin kiyin 14:30 din kech sa'et 19:00 ge qeder dawam qilghan bu pa'aliyet, qur'an kerim tilawiti bilen bashlandi.

Jama'et,"Ayliq söhbet" nami bilen her ayda bir qétim ötküzülüwatqan bu didarlishishning diniy telim-terbiye derslikide namaz we uning shertliri heqqide telim aldi, chüshenmigen we yoluqqan mesililiri heqqide so'allar sorap, diniy ibadetlirini mukemmelleshtürüsh éhtiyajini qamdidi.

Pa'aliyet ehli esir namizidin kéyin ghizalandi we mezkur jem'iyetning katipi eysa qarajimning teqdim qilishida léksiyedin behrimen boldi. Buningda eysa qarajim gollandiyediki Uyghurlargha nida qilip, "Uyghurlar özining ghelibisi, musibiti we düshminining ghelibisi xatirilinidighan künlerni, choqum özige layiq rewishte pursetlendürüp, uni milliy we diniy kimlikni jari qildurush we weten-xelqining azadliqi üchün mayak qilishqa ehmiyet bérishning zörürlükini" ilgiri sürdi.

Axirida erkin söhbet bilen yuqiri pellige chiqqan munazire-mulahizeler gollandiyediki siyasiy heriketlerni janlandurushqa merkezleshti.

Ziyaritimizni qobul qilghanlar bu qétimliq pa'aliyetning mol-mezmunluq we ochuq-yoruq munazire-mulahizilik élip bérilghanliqini ilgiri sürdi.

Yawropa sherqiy türkistan ma'arip jem'iyiti yillardin biri "Ayliq söhbet" namida ayliq didarlishish pa'aliyitini izchil dawam qilip, gollandiyediki Uyghurlarning yaxshi bahasigha ériship kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet