Гума пичақлиқ һуҗуми сәвәблик уйғур кадирлардин нуримангүл ясин билән абликим турәк җазаланған

Мухбиримиз шөһрәт һошур
2017-03-07
Share
guma-qarshiliq-mukapat-1.jpg Гума пичақлиқ һуҗумини бир тәрәп қилишта хизмәт көрсәткәнләрни мукапатлаш йиғинидин көрүнүш. 2017-Йили 22-феврал, хотән.
Weibo

Гума вәзийити һәққидики илгириләп әһвал ениқлишимиз давамида, гума пичақлиқ һуҗумини бир тәрәп қилишта хизмәт көрсәткән 4 нәпәр сақчи хадимиға 200 Миң сом билән 400 миң сом арисида мукапат Берилгәнлики, һуҗумчилар тәвә болған кәнткә мәсул икки уйғур кадир - нуримангүл ясин билән абликим турәккә хизмәттин тохтитиш җазаси берилгәнлики ашкариланди. Уйғур вәзийитини көзитип келиватқан дөләт вә тәшкилатлар хитайни вәзийәтни оңшашта мукапатлаш вә җазалашқа таянмай, асаслиқи мәсилиниң йилтизини һәл қилишқа дәвәт қилған иди.

Мәлумки, қанун дөләтлиридә қанлиқ тоқунушларни бир тәрәп қилишта сақчиларниң гумандарларни тирик қолға чүшүрүши, болмиди дегәндә тирик қолға чүшүрүш үчүн тиришчанлиқ көрситиши тәләп қилиниду. Әмма хитай даирилири йиллардин бери, уйғур районида вәқә гумандарлирини нәқ мәйданда етиветишни тәшәббус қилмақта. 14-Феврал күни йүз бәргән гума пичақлиқ һуҗум гумандарлириму нәқ мәйданда етиветилгән иди. Мәлум болушичә, хитай даирилири, әнә шу вәқә гумандарлирини нәқ мәйданда етивәткән сақчи хадимлирини нәқ пул билән мукапатлиған.

Өткән йили 4-авғуст күни ечилған америка, хитай террорлуққа қарши һәмкарлиқ йиғинида, хитай америкидин шәрқи түркистан ислам һәрикити тәшкилати қатарлиқ аталмиш террорчи тәшкилатларни җимиқтурушқа ярдәм қилишини тәләп қилған. Америка тәрәп болса, хитайдин террорлуққа зәрбә бериштә мәсилиниң йилтизини көрүшкә, сөз вә диний әркинликкә йол қоюп, йәрлик хәлқиниң қәлбини майил қилишқа дәвәт қилған иди.

Гумидики бир актип партийә әзасиниң учурлиридин мәлум болушичә, хитай тәрәп бу қетимқи вәқәдиму мәсилиниң йилтизидин өзини қачурған вә катта мукапатлаш вә қаттиқ җазалаш тәдбиридин ваз кәчмигән.

Вәқә һәққидики учурлардин мәлум болушичә, нуримангүл ясин билән абликим турәкниң вәқәниң җәряни яки келип-чиқиши билән һечқандақ алақиси йоқ. Мана бу реаллиқ уларға берилгән җазаниң қануний бир һөкүм билән әмәс, сиясий бир қарар билән берилгәнликини ашкариланмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт