Zhurnalist sirajidin: xitay elchixanisining dastixinida méhman bolush imandin ajrighanliq

Ixtiyariy muxbirimiz haji qutluq qadiri
2015.07.16
jidde-xitay-konsul-chaghan.JPG Jiddeh shehiridiki xitay konsulxanisida ötküzülgen chaghan bayrimini tebriklesh ziyapitide bash konsul enwer hebibulla we bir qisim shu yéridiki Uyghur muhajirlar. 2014-Yili 27-yanwar.
Jidde xitay konsulxanisi tor bétidin süretke élindi

11 Ayning sultani bolghan ramzan éyi axirliship dunyaning her qaysi jayliridiki Uyghur musulmanliri roza héyt bayrimini tebrikleshke jiddiy teyyarliq körüwatqan künlerde, se'udi erebistanning riyad, jiddeh qatarliq sheherliridiki xitay elchixanisi, konsulxaniliri shu yerdiki Uyghur muhajirlirini jümlidin ömür hej we hej üchün Uyghur élidin kelgen bir qisim hajilarni 19-iyun xitay konsulxanisida ötküzülidighan roza héytni tebriklesh ziyapitige teklip qilghan.

Se'udi erebistandiki bir qisim Uyghurlarning inkasigha qarighanda, jiddeh shehiridiki xitay konsulxanisining konsuli eniwer hebibulla mekke, medine, tayif qatarliq jaylardiki Uyghurlargha teklipname yollash we téléfon qilish arqiliq ularning konsulxanida ötküzülidighan bu yilliq roza héytni tebriklesh pa'aliyitige qatniship bérishini ötün'gen.

Jiddediki xitay bash konsuli eniwer hebibulla Uyghur élidin ömür hejge kelgen Uyghurlardin asasliqi Uyghur élining jenubidin yeni aqsu wilayitidin kelgen kishilerni köprek dewet qilghan bolup, uning bashqilargha éytishiche, bu qétimqi roza héytni tebriklesh pa'aliyiti ilgirikige qarighanda kölimi bir qeder zor bolghan halda élip bérilip,xelq'arada déyiliwatqan “ Xitay hökümiti Uyghur élida roza tutushni cheklidi” dégen teshwiqatqa qarshi turush meqset qilin'ghan bolup,xitay tashqi ishlar ministirliqi bu yil ottura sherq, ottura asiya, islam döletliridiki Uyghurlar nisbeten köprek olturaqlashqan memliketlerde roza héytni qutluqlash pa'aliyitini janliq türde élip bérish heqqide mexsus qarar hazirlighan.

Biz nöwette se'udi erebistanning jidde shehiridiki xitay konsulxanisida ötküzülidighan roza héytni tebriklesh ziyapiti heqqide hazir mekke shehiride yashawatqan zhurnalist we shundaqla diniy ölima sirajidin ezizi bilen téléfon söhbiti élip barduq.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.