B d t ning azsanliqlar munbirining 8-nöwetlik yighinida Uyghurlarning weziyiti otturigha qoyuldi

Ixtiyariy muxbirimiz erkin tarim
2015-11-25
Share
Dolqun-Eysa-bdt-de.jpg Dunya Uyghur qurultiyi ijra'iye komitéti re'isi dolqun eysa ependi(birinchi ret soldin ikkinchi) b d t ning azsanliqlar munbirining 8-nöwetlik yighinida. 2015-Yili 24-noyabir, jenwe.
RFA/Erkin Tarim

24-25-Noyabir künliri jenwede échilghan b d t ning azsanliqlar munbirining 8-nöwetlik yighinida, xitayning Uyghurlargha élip bériwatqan bésim siyasiti, bolupmu xelq'ara térrorluqqa qarshi küreshni bahane qilip turup Uyghurlarni basturuwatqanliqi misallar bilen otturigha qoyulup, xitay hökümet wekilliridin konkrét mesililerge jawab bérish telep qilin'ghan. Dunya Uyghur qurultiyi wekilliri söz qilip bu mesililerni otturigha qoyghandin kéyin, xitay hökümitining wekili sözge chiqip, xitayda azsanliq milletlerge keng azade erkinliklerning bériliwatqanliqini, eger bezi sewenlikler boluwatqan bolsa buning xitaydiki qanundin tüpeyli emes, qanunni ijra qilish jeryanida boluwatqan sewenlik ikenlikini, xitayning omumiy qanun da'iriside bundaq mesililerge yol qoyulmaydighanliqini ilgiri sürgen.

Biz mezkur yighin toghrisida téximu tepsiliy melumatqa ige bolush üchün neq meydan'gha téléfon qilip, yighinda söz qilghan dolqun eysa ependi bilen téléfon söhbiti élip barduq.

Dolqun eysa ependi 8-nöwetlik azsanliqlar munbirining échilish murasimining 24-noyabir küni ötküzülgenlikini, échilish murasimida birleshken döletler teshkilati insan heqliri komitéti mudiri söz qilghanliqini, bu qétimqisi dunya Uyghur qurultiyining 7-qétim qatnishishi ikenlikini bayan qildi.

Dunya Uyghur qurultiyi ijra'iye komitéti re'isi dolqun eysa ependi bu yighindiki pursettin paydilinip her yilidikidekla bu yilmu xitayning Uyghurlargha élip bériwatqan siyasiy, iqtisadiy, medeniy we ma'arip jehettiki insan heqliri depsendichilikini anglatqanliqini, xitay hökümitining burun'gha jawab bérishke urun'ghanliqini, xitayning b d t diki bayanatida ijabiy jehettin özgirish bolghanliqini ilgiri sürdi.

Dolqun eysa ependining éytishiche, birleshken döletler teshkilati azsanliqlar munbiri 2008-yili tesis qilin'ghan bolup, dunya Uyghur qurultiyi her yili dégüdek mezkur yighin'gha qatniship Uyghur mesilisini anglitip kelmekte iken.

Yuqiridiki awaz ulinishidin dolqun eysa ependi bilen ötküzülgen söhbetning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet