D u q sahibxaniliqida myunxénda chaqirilidighan u n p o yighinining hazirliqi pütti

Ixtiyariy muxbirimiz ekrem
2014.06.26
Share on WhatsApp
Share on WhatsApp
UNPO-yighinida-Dolqun-Eysa-305.jpg Sürette, dunya uyghur qurultiyining bash katipi dolqun eysa ependi bu qétimqi wakaletsiz milletler teshkilatining italiyide ötküzülüwatqan qurultiyida.
RFA Photo / Eqide

Wakaletsiz milletler teshkilati (u n p o )ijra'iye komitétining yighini d u q qatarliq xelq'araliq teshkilatlarning sahibxaniliqida 27-iyun küni bawariye parlaméntida chaqirilidighan bolup, dunyaning herqaysi jayliridin teklip qilin'ghan mutexessisler, siyasiyonlar bügün myunxén shehirige toplandi.

D u q ijra'iye komitéti re'isi dolqun eysa ependining bügün bergen melumatigha qarighanda, u n p o ijra'iye komitéti yighinigha qatnishish üchün teklip qilin'ghan yawropa parlaménti, bawariye parlaménti we yawropa elliridiki köpligen siyasiyonlar, mutexessisler myunxén shehirige yétip kelgen. Bügün kech méhmanlar sheripige ziyapet hazirlan'ghan bolup, ete yeni 27-iyun küni chüshtin burun bawariye parlaméntida échilish murasimi we ilmiy muhakime yighini ötküzülidiken.

“Milliy, diniy we til jehettiki azsanliqlar rastinila dunya siyasiy jughrapiye shahmat taxtisidiki pichkimu?” namliq bu ilmiy muhakime yighinigha Uyghur siyasiy pa'aliyetchiliri we Uyghur jama'itidin bashqa, tibetlikler, qirim tatarliri, wakaletsiz milletler teshkilati xadimliri, xeter astidiki milletlerni qoghdash teshkilati wekilliri, xelq'ara kechürüm teshkilati wekilliri qatarliq köpligen teshkilatlarning xadimliri bilen birge yene, yawropa parlaménti wekilliri, bawariye parlaménti wekilliri hemde herqaysi ellerdin kelgen siyasiyonlar, mutexessisler qatniship ilmiy doklat teqdim qilidiken.

Biz bu munasiwet bilen, d u q ijra'iye komitéti re'isi, u n p o ijra'iye komitéti ezasi dolqun eysa ependi bilen söhbet élip barduq. Diqqitinglar bu söhbet xatiriside bolghay.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.