Teyinlen'gen re'is nur bekrining testiqi üstün'atush sékritari du jidung teripidin ret qiliwétilgen

Muxbirimiz shöhret hoshur
2014.08.19
nur-bekri-wang-lechwan-pichillashmaqta.jpg Nur bekri bilen wang lechwan pichirlashmaqta. 2009-Yili 6-mart, béyjing.
EyePress

Üstün'atush yéziliq su ponkitining xadimi tahirjan eysa xizmet üstide yarilinip héchqandaq netijige érishelmigendin kéyin, oghli elijan bilen birlikte ürümchi we béyjinggha erz qilip baridu. Bultur yeni 2013 - yili etiyazda ikki yighinni xatirjem ötküzüshni meqset qilghan xitay merkizi hökümiti, uzun mezgil hel bolmay kéliwatqan kona erzlerni tézdin hel qiliwétish heqqide yolyoruq chüshüridu.

Mana bu mezgilde Uyghur aptonom rayonning teyinlen'gen re'isi nur bekri, merkezning yolyoruqigha asasen, tahirjan eysaning hökümettin tölem telep qilish erzini testiqlaydu. Nur bekri testiqlighan bu erzni qizilsu oblastliq partkom sékritarimu testiqlaydu, emma üstun'atush yéziliq partkom sékritari du jidung ret qilidu. Nur bekrining testiqighe érishipmu ishini hel qilalmighan tahirjan eysa, késili éghirliship dunyadin widalishidu, emma oghli elijan tahir erzni dawam qilmaqta.

Nur bekrining testiqining ret qilin'ghanliq weqesini bu erzdarning öz éghizidin anglaysiler.

Hörmetlik radi'o anglighuchilar, nur bekrining testiqining kargha kelmeslik ehwali buningdin awwalmu bir qétim ashkarilan'ghan. Ötken yilqi bir téléfon ziyaritimiz dawamida ashkarilinishiche, nur bekri qeshqer peyziwatliq erzdar tursun ghopurning tölem erzini testiqlighan, emma yézining xitay sékritari, “Bu pulni nur bekri özi bersun” dégen jawab bilen testiqni ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.