Rabiye qadir xanim shi jinpingning Uyghur élidiki ziyaritige inkas qayturdi

Xitay kommunistik partiyisi merkiziy komitétining bash shujisi, dölet re'isi, merkiziy herbiy ishlar komitétining re'isi shi jinping 27-aprél Uyghur éligha yétip kélip, islahat, tereqqiyat, muqimliqini ilgiri sürüsh toghrisida tekshürüsh we tetqiq qilishqa bashlidi.

Bu, shi jinpingning partiye 18-qurultiyidin buyan birinchi qétim Uyghur élida tekshürüshte bolushi. Shi jinping qeshqerni “Térrorluqqa qarshi küreshning aldinqi sépi” dep körsitip ürümchide bir kün turupla qeshqerge qarap yürgen. Shi jinpingning Uyghur élida desleptila térrorluqqa qattiq zerbe bérishni aldi bilen tilgha élip we uningdin bashqa Uyghurlar eng narazi boluwatqan qosh til ma'aripini yenimu küchlendürüsh qatarliqlarni tekitlishi, Uyghurlarning tenqidiy inkasini qozghapla qalmay, dunya axbaratliriningmu küchlük diqqitini qozghidi.

Shi jinpingning Uyghur élige qaratqan ziyariti we bayanlirigha qarita dunya Uyghur qurultiyi qandaq inkas qayturidu? anglighuchilirimizgha bu heqte melumat bérish yüzisidin, Uyghur milliy herikiti rehbiri, dunya Uyghur qurultiyining re'isi rabiye qadir xanim bilen mexsus söhbet ötküzduq.

Tepsilatini yuqiridiki awaz ulinishidin anglighaysiz.