Шиветсийәдики “уйғур маарип уюшмиси” йиллиқ хизмәт пиланини оттуриға қойди

Ихтиярий мухбиримиз еһсан
2016.01.12
uygur-marrip-uyushmisi-shiwetsiye.jpg Уйғур маарип уюшмиси идарә һәйәтлири йиғинда. 2016-Йили 9-январ, ситокһолм.
RFA/Éhsan

Шиветсийәдә паалийәт қиливатқан уйғур маарип уюшмиси 2015-йиллиқ паалийәтлирини хуласиләш билән биргә, 2016-йили елип бармақчи болған йиллиқ хизмәт пиланлирини оттуриға қойди вә идарә һәйәт әзалириниң мәсул хизмәтлирини бекитти.

Мәзкур җәмийәтниң йиллиқ йиғини 2016 йили 9 январ шәнбә күни кәчтә җәмийәт мәркизидә елип берилди. Йиғинға даимий идарә һәйәт әзалири қатнашти.

Йиғинда уйғур маарип уюшмисиниң йеқинда елип барған сайлимида көп санлиқ аваз билән 5-нөвәтлик рәисликкә сайланған абдуллаһ көкяр әпәнди 2016 йили елип бармақчи болған йиллиқ пилан лайиһилирини оттуриға қойди.

Уйғур маарип уюшмиси 2006-йили шиветсийәдә яшаватқан уйғурларниң диний етиқади, миллий маарипи, тил-йезиқи, вә башқа мәдәнийәтлирини әвладму-әвлад қоғдап давамлаштурушни мәркәз қилған, диний маарип билән миллий маарипқа тәң әһмийәт бериш билән биргә, йеңи услуб билән хизмәт ишләшни өзиниң мизани қилған, идийә җәһәттә сағлам вә мөтидил ислам әқидисини асас қилған, сиясий ишларда демократийә-хәлқчиллиқни тәшәббус қилған, өз алдиға тәрбийиви тәшкилат болуп, бу тәшкилат хәлқаралиқ низамнамиләргә уйғун һалда 2006-йили бир гуруппа уйғур зиялийларниң тәшкиллинишидә шиветсийәниң мәркизи ситокһолмда қурулған.

Шиветсийә уйғур маарип уюшмиси шиветсийәдики алақидар һөкүмәт орунлири тәрипидин тизимға елинған вә әмәлий хизмәтлири арқилиқ, шиветсийә ичи вә сиртидики һәр дәриҗилик һөкүмәт органлири вә хәлқ аммисиниң етирап қилишиға еришкән қанунлуқ тәшкилат.

Бу тәшкилат 2010-йили шиветсийә парламентидики 8 партийә бирлишип қурған “шветсийә-уйғур достлуқ гурупписи”ниң қурулушида асаслиқ рол ойниған.

2009-Йилдин буян шиветсийәдә хитай даирилиригә қарши елип берилидиған намайишларни изчил тәшкилләп кәлмәктә.

2012-Йили дуня уйғур қурултийи билән зич һәмкарлишип шиветсийәдә панаһланған уйғурларниң бир туташ һаләттә панаһлиқи қобул қилинишида муһим хизмәтләрни ишлигән.

Уйғур маарип уюшмисиға қарашлиқ тәклимакан ислам җәмийити вә мәхмут қәшқири ана-тил мәктипиму шиветсийәниң алақидар тармақлирида тизимға елинған болуп, шиветсийәдики уйғур җамаити үчүн диний вә ана тилини сақлап қелиш җәһәтләрдә оқу-оқутуш хизмитини давамлаштуруп кәлмәктә.

Биз уйғур маарип уюшмисиниң елип бериватқан хизмәтлири һәққидә көз қаришини елиш үчүн шиветсийәдә яшаватқан зиялий бәхтинса ханимни зиярәт қилдуқ.

Бәхтинса ханим уйғур маарип уюшмисиниң 10йил җәрянида, шиветсийәдики уйғур җамаәтлири үчүн қилған хизмәтлирини хуласиләп, уйғур маарип уюшмисиниң уйғур тили вә диний,сиясий,иҗтимаий җәһәтләрдә изчил хизмәтләрни елип барғанлиқини муәййәнләштүрди.

Шиветсийәдә яшаватқан чоңлардин мурат ахтам әпәнди уйғур маарип уюшмисиниң қиливатқан хизмәтлиригә юқири баһа беридиғанлиқини, болупму уйғурларниң икки һейт намизини бир йәрдә җәм болуп оқуватқанлиқи һәмдә уйғурчә хутибини аңлап келиватқанлиқидин мәмнун икәнликини билдүрди.

Ахирида зияритимизни қобул қилған уйғур маарип уюшмисиниң рәиси абдулла көкяр әпәнди 2016-йиллиқ асаслиқ түрдә елип баридиған хизмәтлири һәққидә тохтилип:
“биринчидин, тәшкил изчил түрдә давамлаштуруп келиватқан өсмүр балиларниң ана тил вәдиний сават оқутушини техиму мукәммәлләштүрүш. Иккинчидин, шиветсийәдики аммиви тәшкилатлар вә шиветсийә һөкүмитиниң алақидар идарилири билән алақини күчәйтиш. Үчинчидин, шиветсийәдә уйғурлар тәвәликидә болған мәсчит бәрпа қилиш хизмитини қоллап қувәтләш хизмәтлирини елип баримиз” деди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.