Siyasiy panahliq iltijasi arqiliq menggülük olturumgha érishkenlerning wetinige bérip-kélishi qandaq aqiwetlerni élip kélidu? (2)

Amérikaning melum shtatidiki köchmenler idarisining aldi.

Siyasiy panahliq iltijasi xitayning éghir iskenjisidin qéchip chiqqan Uyghur muhajirlirining gherbtiki démokratik ellerde olturumgha érishishtiki muhim yollirining biri bolup kelgen idi.

1990-Yillarning axirliridin bashlap Uyghur élida künsayin éghirlashqan siyasiy weziyet, bolupmu xitayning rayondiki yuqiri bésimliq siyasiti köpligen Uyghur serxillirini chet'ellerge hijret qilishqa mejbur qildi.

2009-Yilidiki “5-Iyul weqesi” din kéyin Uyghurlar duch kéliwatqan éghir qismetler chet'ellerge qéchip chiqqan bir qisim Uyghurlarning gherbtiki démokratik ellerdin siyasiy panahliq iltijasi arqiliq menggülük olturumgha érishishini tézletti.

Halbuki, siyasiy panahliq iltijasi arqiliq démokratik ellerning menggülük olturumigha érishken yaki pasport alghan bir qisim Uyghurlarning xitaygha bérip-kélishi yéqindin buyan Uyghur muhajirlirining chet'ellerdiki panahliq ishlirigha selbiy tesirlerni körsetmektiken.

Bezi mutexessisler donald tramp amérikining 45-nöwetlik prézidénti bolush süpiti bilen aqsaraygha kirgendin kéyin yéqin kelgüside amérikining köchmenler siyasitide melum özgirishlerni yasaydighanliqini mölcherlimekte.

Undaqta, siyasiy panahliq iltijasi arqiliq gherbtiki démokratik ellerning, jümlidin amérikining yéshil kartisigha érishken yaki amérika pasportini alghan Uyghurlarning xitaygha qaytishi qandaq aqiwetlerni keltürüp chiqiridu?

Bu heqte amérikidiki Uyghur adwokat nuri türkel ependi bilen kanadadiki Uyghur ziyaliyliridin ruqiye turdush xanimlar radiyomiz ziyaritini qobul qildi.

Bu heqtiki tepsilatlarning dawamini töwendiki awaz ulinishtin anglighaysiz.