Firansiye parlaméntida chaqirilghan ottura sherq mesililiri söhbet yighinida Uyghur mesilisi tilgha élindi

Firansiye Uyghur jem'iyitining re'isi erkin ablimit(ikkinchi rette) firansiye parlaméntida chaqirilghan ottura sherq mesililiri söhbet yighinigha qatnashti. 2015-Yili 30-mart, firansiye.

Firansiye Uyghur jem'iyitining re'isi erkin ablimitning bildürüshiche, 30-mart firansiye parlaméntida chaqirilghan ottura sherq mesililiri söhbet yighinida, firansiye parlamént ezaliridin Uyghur mesilisige izchil köngül bölüp kéliwatqan andrié gattolin nöwette xitayning ottura sherqtiki térror herikitidin ustiliq bilen paydilinip Uyghur élidiki Uyghurlarni térrorgha baghlap basturush élip bériwatqanliqi toghrisida mexsus toxtalghan.

Firansiye parlaméntida chaqirilghan bu qétimqi söhbet yighinigha firansiye parlamént ezaliri, bir qisim uniwérsitétlarning proféssorliri, térror tetqiqati mutexessisliri we shundaqla italiyelik azsanliq milletler tetqiqatchisi marko qatarliq kishiler ishtirak qilghan.

Ottura sherq mesililiri boyiche firansiye parlaméntida ötküzülgen bu qétimqi yighin'gha yene, firansiyede pa'aliyet élip bériwatqan kishilik hoquq teshkilatliridin xelq'ara kechürüm teshkilati, firansiye Uyghur jem'iyiti, tibet oqughuchilar herikiti teshkilati we wiyétnam teshkilati qatarliq teshkilatlarning wekillirimu alahide teklip qilin'ghan.

Biz bu munasiwet bilen mezkur söhbet yighini heqqide toluq melumatqa érishish üchün, yighin axirida, firansiye Uyghur jem'iyitining re'isi erkin ablimit bilen téléfon söhbiti élip barduq.

Yuqiriqi awaz ulinishidin tepsilatini anglang.