Kériye lengger yézisida bir déhqanning bir yérim mo yéri bar, 5 xitayning qolida 1000 mo chilanliq

Muxbirimiz shöhret hoshur
2015.04.29
Share on WhatsApp
Share on WhatsApp
ata-bala-echinishliq-resim Uyghur élidiki namrat Uyghur ata-bala.
RFA/Shohret Hoshur

Munasiwetlik matériyallardin qarighanda, 20-aprél küni qanliq weqe yüz bergen kériyening lengger yézisida jem'iy 16 ming 300 nopus, 24000 ming mo yer bolup, her bir jan'gha bir yérim modin térilghu yer toghra kélidu.

Ashkarilinishiche, bu yézida nopusning 1% nimu teshkil qilalmaydighan xitay köchmenliri yézidiki térilghu yerning mutleq köp qismigha igidarchiliq qilmaqta. Ilikidiki cheklik yer bilen turmushini qamdashqa amalsiz qalghan Uyghur déhqanliri shu az sandiki xitay yer höddigerlirige a'ilisi boyiche yallinip ishleshke mejbur bolmaqta. Yene melum bolushiche, bu yézida bunche köp yerni igiliwalghan xitay köchmenliri téxi 2008-yili xitay ölkiliridin kelgen yéngi köchmenler iken.

20-Aprél küni kériyening lengger yézisida weqe yüz bergende da'iriler aldi bilen yézidiki xitay yer höddigerlirini yoqlighan we ularning özlirini mudapi'e qilishini tapalighan. Mana bu xitay höddigerning bayan qilishiche, lengger yézisining kona bazar kentidila 5 neper xitay höddiger 1000 mo yerge igidarchiliq qilidiken.

So'allirimizgha jawab bergen bir Uyghur déhqan özlirining xitay yer höddigerliri bilen kéliship ötüshtin bashqigha charisiz ikenlikini bayan qildi.

Téxi köchüp kelgini 10 yilgha barmighan xitay köchmenliri, her biri az dégende 250 mo yerge sahib boluwatqan bu yézida her bir Uyghur déhqanning térilghu yéri bir yérim mo etrapida. Biz téléfon ziyaritimiz dawamida ene shu xitay köchmenlirige yallinip ishlewatqan bir Uyghur déhqan bilen söhbet élip barduq. So'allirimizgha jawab bergen bir Uyghur déhqan özlirining xitay yer höddigerliri bilen kéliship ötüshtin bashqigha charisiz ikenlikini bayan qildi.

Yuqiriqi bayanlardin melumki, kériyede Uyghur déhqanliri ishi onggha tartqan ehwalda bir traktor sétiwalghudek qerz élish imkaniyitige ige, emma xitay köchmenliri bolsa, nechche yüz hetta nechche ming mo yerni idare qilghudek qerz élishqa qadir. Közetküchilerning qarishiche, xitay döliti xitay köchmenlirige hazirlap bergen bu ewzel shara'it ikki millet arisidiki iqtisadiy perqni chongaytipla qalmay, siyasiy jehettin bir terep yene bir terepke, yeni Uyghurlar xitay köchmenlirige béqinip yashash weziyitini shekillendürmekte.

Programmining tepsilatini yuqiridiki awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.