Хитай таратқулири хитайниң ички вә ташқи "дүшмән" лирини қандақ һазирлаватиду?

Мухбиримиз қутлан
2014-03-17
Share
senkaku-xitay-bayraq-305.jpg Хитай паалийәтчиләрниң хитай вә тәйвәнниң байриқини сенкаку арилиға тикләш үчүн келиватқан көрүнүш. 2012-Йили 15-авғуст.
AFP

Игилишимизчә, хитайдики рәсмий вә ғәйрий рәсмий таратқуларниң йеқинқи йиллардин буян хитай хәлқи арисида ташқи җәһәттә японийәгә ички җәһәттә уйғурларға қарита миллий өчмәнлик кәйпияти пәйда қиливатқанлиқи мәлум.

Хитай таратқулирида узақтин буян давамлишип кәлгән японийәгә қарши еқим йеқинқи мәзгилләргә кәлгәндә сенкаку тақим араллириниң игилик һоқуқи мәсилиси мунасивити билән юқири пәллигә көтүрүлгән.

Мәлум болушичә, хитай таратқулиридики японийәгә қарши кәйпият вә барғансери әвҗигә көтүрүлүватқан хитай милләтчилики авам арисидики ғәйрий рәсмий таратқулардила әмәс, бәлки хитай компартийисиниң канийи болған "хәлқ гезити" гә қәдәр рәсмий таратқулардин орун елишқа башлиған.

Көзәткүчиләрниң қаришичә, хитай һөкүмитиниң дөләт ичидә японийәгә қарши миллий өчмәнлик кәйпиятини очуқ-ашкара тәшвиқ қилишиниң мәлум сиясий ғәрәз арқисида елип бериливатқанлиқи мәлум. Болупму хитайдики күндин-күнгә еғирлишиватқан иҗтимаий зиддийәтләр вә компартийиниң чириклишиши түпәйлидин келип чиққан хәлқ райидики җиддий өзгиришләрни башқа йөнилишкә бурашни мәқсәт қиливатқанлиқи илгири сүрүлмәктә.

Көзәткүчиләр бирдәк хитай компартийиси һәр қетим қийин өткәлгә дуч кәлгәндә, хитай хәлқидә милләтчилик кәйпияти қозғап авамниң һакиммутләқ һакимийәткә болған диққитини бурап келиватқанлиқини тәкитлимәктә.

Қизиқарлиқи шуки, хитай таратқулиридики японийәгә қарши миллий өчмәнлик билән бир вақитта дөләт ичидә хитайларниң уйғурларға қарши кәйпиятиму ахбарат васитилири арқилиқ очуқ-ашкара оттуриға чиқишқа башлиған. Болупму өткән йилқи тйәнәнменгә һуҗум қилиш вәқәси билән йеқинқи кунмиң вәқәсидин кейин хитай таратқулиридики уйғурларға қарши кәйпият барғансери әвҗигә көтүрүлмәктә икән.

Японийәдә узун мәзгил оқуған вә хизмәт қилған, һазир америкида яшаватқан доктор җүрәт обул бу һәқтә мәхсус зияритимизни қобул қилди.

У өзиниң японийәдики һаят тәҗрибиси вә көзитишлирини нөвәттики уйғурлар вәзийити билән бирләштүрүп муһакимә қилди. Йеқиндин буян хитай таратқулирида әвҗ еливатқан ташқи җәһәттә японийәгә қарши еқим билән хитайниң ички қисмидики уйғурларға қарши кәйпият тоғрисида селиштурма елип барди.

Тәпсилатини аваз улиништин аңлиғайсиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт