Pakistandiki xitay elchixanisi bir qisim Uyghurlargha sowgha teqdim qilghan

Ixtiyariy muxbirimiz haji qutluq qadiri
2016-01-04
Share
xitay-elchixansi-pakistan.jpg Xitay pakistanda turushluq elchisi song wéydong elchixanida Uyghur muhajirgha sowgha teqdim qilmaqta. 2015-Yili 30-dékabir, islam'abad.
RFA/Qutluq

Pakistandiki bir qisim Uyghurlarning inkasigha qarighanda, 30-dékabir pakistan islam'abadtiki xitay elchixanisi rawalpindi, gilgit qatarliq sheherlerde olturushluq bir qisim Uyghurlargha qishliq maddiy eshyalarni teqdim qilghan.

30-Dékabir pakistandiki xitay elchixanisi rawalpindi, gilgit qatarliq sheherlerdiki bir qisim Uyghurlargha sowgha teqdim qilghan.

Bu pa'aliyet heqqide toluq melumatqa ige pakistan rawalpindidiki musteqil Uyghur kishilik hoquq pa'aliyetchisi abduqéyum mezkur pa'aliyet heqqide toxtaldi.

Pakistandiki xitay elchixanisi bu pa'aliyiti heqqide, 31-dékabir tor bétide xewer bergen bolup uningda: "30-Dékabir elchisi song wéydong xitay elchixanisigha wakaliten pakistandiki Uyghur muhajir qérindashlargha qishtin ötüwélish maddiy eshya buyumlirini teqdim qildi. Rawalpindi, shimaliy rayondiki Uyghur muhajirlardin bolup jem'iy 40 kishi xitay elchixanisi teripidin kütüwélindi"déyilgen.

Biz bu uchurgha asasen islam'abadtiki xitay elchixanisining alaqe bölümige bir qanche qétim téléfon qilip bu heqte toluq melumatqa érishishke tirishqan bolsaqmu biraq, elchixana téléfonimizni peqetla qobul qilmidi.

Lékin, bu qétimqi xitay elchixanisida élip bérilghan pa'aliyetke qatnashqan rawalpindi shehiride olturushluq 70 yashtin halqighan boway abletxan téléfon ziyaritimizni qobul qilip bu heqte toxtaldi.

Abletxan boway söhbitimiz jeryanida özining xitay elchixanisigha mejburi chiqqanliqini eger bu xildiki pa'aliyetlerge aktip qatnashmisa xitay elchixanisidin weten'ge bérish üchün wiza élishining köp tosalghulargha uchraydighanliqini ilgiri sürdi.

U, shundaqla xitay elchixanisi teripidin bérilgen sowghatlarni bashqilargha sediqe qilish niyitide ikenlikini bildürdi.

Xitay elchixanisining tor bétidiki bu heqtiki xewiride pa'aliyetke pakistandiki Uyghurlardin 40 kishining qatnashqanliqi ilgiri sürülgen bolsimu biraq, bu pa'aliyetke qatnashqan rawalpindidiki Uyghurlardin elixan pa'aliyetke peqetla yigirme nechche kishining qatnashqanliqini we özlirining xitay muhajirlar jem'iyitining teshkillishi bilen elchixanigha élip bérilghanliqi heqqide toxtaldi.

Elixan sözide yene özining bu xildiki pa'aliyetlerge qatnishish sewebliri üstide toxtaldi.

Biz pakistanning shimalidiki gilgit shehiridin bu qétimqi xitay elchixanisining bu pa'aliyitige qatnashqan bir qisim Uyghur muhajirlar heqqide bezi bir melumatqa érishish üchün gilgittiki xitay muhajirlar jem'iyitining mes'uli abduqéyumgha téléfon qilghan bolsaqmu biraq, u téléfonimizni qobul qilmidi.

Pakistandiki musteqil Uyghur kishilik hoquq pa'aliyetchisi abduqeyyumning bildürüshiche, xitay elchixanisining bu pa'aliyitige pakistandiki Uyghur ja'amiti oxshimighan qarashlarda bolghan bolup, bezi bir Uyghurlar buninggha narazi bolghan.

Axirida ziyaritimizni qobul qilghan, hazir shiwétsariyede hijrette yashawatqan, ilgiri pakistandiki xitay elchixanisida diplomatiye wezipiside bolghan sabiq diplomat kérem sherif xitay elchixanisining bu xildiki pa'aliyetlirini élip bérish meqsiti heqqide toxtaldi.

Pakistandiki xitay elchixanisining bu qétimqi pa'aliyiti heqqide xitaydiki nopuzluq taratqulardin xitayche "Xelq tori", "Chet'el tori" shundaqla Uyghur élidiki "Baghdash tori" qatarliq tor betliride bu heqte xewer bérilgen.

Yuqiriqi awaz ulinishidin tepsilatini anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet