Siyasiy analizchilar: Uyghur rayonidiki siyasiy heriketler Uyghur jem'iyitining normal tereqqiyatigha buzghunchiliq qiliwatidu

Qizil teshwiqat xizmiti munasiwiti bilen uyushturulghan zor kölemlik musabiqe pa'aliyitidin körünüsh. 2015-Yili 20-öktebir, peyziwat.

Xitay hökümiti pütkül Uyghur aptonom rayonida “Térrorluqqa qarshi turush medeniyet teshwiqat herikiti” qozghashni qarar qilghan. Uning meqsiti medeniyet-sen'et arqiliq xitayning térrorluqqa qarshi turush qanunini teshwiq qilip, Uyghur jem'iyitining térrorluqqa qarshi muqimliq éngini östürüshken.

Bu xitayning buningdin burun qanat yaydurup kelgen medeniyet-sen'et arqiliq “Diniy ashqunluqqa”taqabil turush herikitidin kéyinki yene bir siyasiy medeniyet teshwiqat herikiti.

“Shinjang géziti”ning xewer qilishiche, Uyghur aptonom rayonluq partkom ötken peyshenbe küni rayonda léksiye sözlesh, medeniyet -sen'et pa'aliyiti élip bérish qatarliq usullar bilen térrorluqqa qarshi turush qanuni teshwiqat herikiti qozghashni qarar qilghan.

Emma bu heriket derhal Uyghur siyasiy pa'aliyetchilirining tenqidige uchridi. Shu munasiwet bilen biz amérika Uyghur birleshmisining re'isi siyasiy analizchi ilshat hesen epebdi bilen söhbet élip barduq.

Awaz ulinishi arqiliq, diqqitinglar ilshat hesen bilen élip barghan söhbitimizde bolghay.