Ahaliler komitétining kadiri: "Dahiymiz shi jinpingning resimini éliwétishke bolmaydu, öyünglarda menggülük turidu!"

Muxbirimiz shöhret hoshur
2018-08-14
Élxet
Pikir
Share
Print
Kochilardiki chong ékranlarda chiqirilghan xitay re'isi shi jinpingning süriti. 2017-Yili 3-noyabir, xoten.
Kochilardiki chong ékranlarda chiqirilghan xitay re'isi shi jinpingning süriti. 2017-Yili 3-noyabir, xoten.
AP

Ötken hepte ürümchidiki bir ahaliler komitéti ahalilerge qarita xitay dölet re'isi shi jinpingning resimini ésish toghruluq bir uqturush tarqatqan.

Shi jinpingning nami "Dahiy" dep süpetlen'gen mezkur uqturushta shi jinpingning resimining menggülük ésilidighanliqi, éliwétishke bolmaydighanliqi eskertilgen. Muxbirimizning bu heqtiki éniqlishi dawamida shi jinpingning resimini öylerge ésish buyrutmisining jenubiy Uyghur diyarida xéli burunla ijragha ötkenliki ashkarilandi.

"---Hey jüminler )ahaliler( yaxshimusiler, mawu shéchüdin (ahaliler rayonidin) bizningki dahiymiz - bash shuji shi jinpingning resimini öyge asidighan ish bar idi, resimni biz teminlep bérimiz, resimni asidighanlar mawu chünde ) topta-ündidar topida( bir gep qilsanglar, ésishni xalisanglar. . . . . ."

Anglighininglar ürümchidiki bir ahaliler komitétigha a'it uqturushtur. Uqturush gerche buyruq teleppuzida déyilmigen, hetta xalisanglar dégen jümle qollinilghan bolsimu, uqturushning dawamidiki bayanlar, yeni shi jinpingning resimining chaplan'ghan öydin éliwétishke bolmaydighanliqi heqqidiki agahlandurush, bu uqturushning buyruq xaraktéridin isharet bermekte.

"‏--- Lékin bu resim ésilghandin kéyin éliwétishke bolmaydu, yeni menggülük turidu!. . . "

Qeshqerdiki kent mudirliridin biri özlirige shi jinpingning resimini öylerge ésish heqqidiki buyruqning téxi chüshmigenlikini bayan qildi. Aqsudiki bir saqchi xadimi aqsuda shi jinpingning resimini ésish teshebbusining éxli burunla otturigha qoyulghan we ijragha ötkenlikini ashkarilidi. Xotendiki saqchi xadimliri bu heqte melumat bérelmeydighanliqini éytti. Emma kent mudirliridin birining özi ziyaret qilghan yéziliq hökümet ishxanisida shi jinpingning gilemge neqish qilip chüshürülgen we ramkigha élin'ghan resimini körgenlikini bayan qildi. Biz mezkur hökümet ishxanisigha téléfon qilip gilemge neqishlen'gen resim heqqide melumat élishqa tirishtuq, alaqidar xadim bu heqtiki so'alimizni anglashnimu ret qildi.

Ündidarda tarqalghan mezkur uqturushta shi jinpingning resimini sétiwalghan öyge ésishqa bolidighanliqi, ijare öyge ésishqa bolmaydighanliqi eskertilgen.

Toluq bet