Yaponiye kamakura sheher parlaménti Uyghurlar toghrisida mexsus qarar maqullighan

Ixtiyariy muxbirimiz haji qutluq qadiri
2016-07-07
Share
Kamakura-sheher-parlament-ezasi-uexata-rabiye.jpg Kamakura sheher parlamént ezasi uéxata ependi d u q re'isi rabiye qadir xanimning ziyaritini qobul qildi. 2016-Yili 1-iyun, yaponiye.
RFA/Qutluq

Yaponiye Uyghur birliki teshkilatidin igilishimizche, 30-iyun yaponiye kanagawa ölkisi kamakura sheher parlaménti Uyghurlarning kishilik hoquq mesilisi toghrisida mexsus bir qarar maqullap yaponiye parlaménti we hökümitige yollighan.

Ziyaritimizni qobul qilghan yaponiye Uyghur birliki teshkilatining re'isi doktor turmuhemmet hashim kanagawa ölkisi kamakura sheher parlaméntida maqullan'ghan mezkur qararname toghrisida toxtaldi. Uning ilgiri sürüshiche, qararnamide xitayning birleshken döletler teshkilatining qanun-nizamlirigha emel qilmaywatqanliqi tenqid qilin'ghan we Uyghur kishilik hoquq mesilisi toghrisida yaponiye hökümitige bir qanche alahide telepler sunulghan.

Ziyaritimizni qobul qilghan kamakura parlamént ezasi uéxata téléfon mezkur qararning maqullinishi heqqide toxtilip "Birinchi iyun rabiye qadir xanim shehirimizge ziyaretke kélip, parlamént ezalirigha bergen xitay hökümitining Uyghurlarni basturuwatqanliqi toghrisidiki Uyghur kishilik hoquq mesililiri doklatigha asasen bu qarar maqullandi" dédi.

Doktor turmuhemmet hashimning bildürüshiche, kamakura sheher parlaméntining qararida aldi bilen yawropa, amérika parlaméntida maqullan'ghan xitaygha da'ir bezi qararlar eslep ötülgen.

Téléfon ziyaritimiz jeryanida parlamént ezasi matsunaka bu qétimqi kamakura parlaméntining Uyghurlar toghrisida qarar maqullinishining sewebi toghrisida eskertish bérip: "Kamakura shehiri tinchliqni söyidighan bir sheher. Ötken qétim sheher bashliqimiz rabiye qadir xanim bilen Uyghurlarning hazirqi weziyiti toghrisida mexsus söhbet ötküzgendin kéyin bu qarar parlaméntta qayta-qayta muzakirige qoyulup maqullandi. Parlaménttiki oxshimighan siyasiy partiye wekillirimu bu qarargha qoshuldi. Biz ilgirimu birmadiki kishilik hoquq mesiliri toghrisida qarar maqullighan iduq" dédi.

Kamakura sheher parlaméntining qararida shundaqla tayland türmiside tutup turuluwatqan Uyghur musapirlar mesilisigimu orun bérilgen.

Kamakura sheher parlaméntining qararidin xewerdar bolghan dunya Uyghur qurultiyi re'isi rabiye qadir xanim ziyaritimizni qobul qilip, mezkur qararnamining maqullan'ghanliqidin özining tolimu memnun bolghanliqini bildürüp ötti.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet