Японийәдә японийә уйғур бирлики тәшкилати паалийитини башлиди

Игилишимизчә, 26-декабир дуня уйғур қурултийи рәһбәрлири йеқинда японийәдә қурулған японийә уйғур бирлики тәшкилатини рәсмий елан қилишни қарар қилған.

Зияритимизни қобул қилған японийә уйғур бирлики тәшкилатиниң рәисликигә сайланған доктор турмуһәммәт һашим мәзкур тәшкилатниң қурулуши тоғрисида чүшәнчә бәрди һәмдә мәзкур тәшкилатниң йеңидин вәзипигә тәйинләнгән тәшкилат рәһбәрлири һәққидә тохталди.

Зияритимизни қобул қилған японийә уйғур бирлики тәшкилатиниң муавин рәиси иқтисадшунас ғалип миҗит тәшкилатниң дәсләптә японийәдики уйғур җамаити вә японийә җәмийити үчүн немиләрни қилиши керәкликини тәкитлиди. У йәнә, йеңидин қурулған бу тәшкилатниң буниңдин кейин елип баридиған қисмән паалийәтлири һәққидә өзиниң дәсләпки пиланлирини баян қилип өтти.

Японийә уйғур бирлики тәшкилатиниң мудирийәт әзалиридин пәлсәпә пәнлири тәтқиқатчиси мухтәрҗан абдурахман зияритимизни қобул қилип мәзкур тәшкилатқа болған қарашлирини баян қилди.

Зияритимиз җәрянида мухтәрҗан абдурахман йеңидин қурулған тәшкилатидин өзиниң уйғур даваси үчүн немиләрни күтидиғанлиқини әскәртип өтти.

Узун йиллардин буян японийә елип бериливатқан уйғур кишилик һоқуқ паалийәтлирини изчил қоллап келиватқан вә бу қетимқи сайламға сирттин көзәткүчи сүпитидә қатнашқан сато әпәнди сайлам һәққидә тохтилип: “бу қетимқи сайлам уйғурларни асас қилған һалда адил елип берилған сайлам болди дәп ойлаймән. Әлвәттә биз японлар бу тәшкилатқа көпрәк уйғурларниң әза болушини үмид қилимиз” деди.

Японийәдики бир қисим уйғур сиясий мәсилилири тәһлилчилириниң ейтишичә, японийә уйғур бирлики тәшкилати 2008-йили токйода қурулған тунҗи японийә уйғур җәмийитидин кейин қурулған уйғур тәшкилатлиридин бири һесаблинидикән.

Юқириқи аваз улинишидин тәпсилатини аңлаң.