Гөһәр мәмәт: шинҗаңдин кетишкә тегишликләр биз әмәс

Үрүмчидә хитай тиҗарәтчиләрниң миллий кәмситиш характеридики тил һақарәт һуҗумиға учриғанлиқи сәвәблик, бейҗиңға әрз үчүн кәлгән шаирә гөһәр мәмәт алдинқи күни бир гуруппа уйғур әрздарлар билән бирликтә тйәнәнмен мәйданиға намайиш үчүн барғанда бейҗиң сақчилири тәрипидин тутуп кетилип, бейҗиңдики әрздарларни йиғивелиш мәркизигә икки күн қамап қоюлған.

2010.11.24
Goher-memet-Uyghur-erzdar-305 Сүрәттә, шаирә гөһәр мәмәт.
RFA Photo / Shohret Hoshur

Үрүмчидә хитай тиҗарәтчиләрниң миллий кәмситиш характеридики тил һақарәт һуҗумиға учриғанлиқи сәвәблик, бейҗиңға әрз үчүн кәлгән шаирә гөһәр мәмәт, бейҗиңдики алақидар орунларниңму рәт қилишиға учриған. У бу әһвалға наразилиқ билдүрүш үчүн  алдинқи күни бир гуруппа уйғур әрздарлар билән бирликтә  тйәнәнмен мәйданиға намайиш үчүн барғанда бейҗиң сақчилири тәрипидин тутуп кетилип, бейҗиңдики әрздарларни йиғивелиш мәркизигә икки күн қамап қоюлған.

Гөһәр мәмәт бүгүнки сөһбитимиз давамида, алди билән  өзиниң бейҗиңда йолуққанлири, арқидин үрүмчидики вақтида һөкүмәт органлири тәрипидин еришкән җаваблири һәққидә мәлумат бәрди.

Гөһәр мәмәт бейҗиңға келишниң алдида, полат завути рәһбәрлик оргини, тудуңхаба районлуқ миллий ишлар комитети, аптоном районлуқ әрзийәт идариси қатарлиқ һәр дәриҗилик алақидар органларғиму әрзини баян қилған. Әмма, улардин қанаәтлинәрлик әмәс, бәлким һәйран қаларлиқ җавабларға еришкән:
Һөрмәтлик радио аңлиғучилар, гөһәр мәмәт тил-һақарәт һуҗумиға учриған күни униңға  қаттиқ тәсир қилғини, хитайларниң " уйғурлар шинҗаңдин йоқулуш"! дегән сөзи болған. Гөһәр мәмәт уларға " шинҗаңдин йоқулушқа тегишликләр уйғурлар әмәс" дәп җаваб қайтурған. Дөләтлик әрзийәт идарисидин қанаәтлинәрлик җавабқа еришәлмигән гөһәр мәмәт, алдимиздики күнләрдә, бейҗиңдики  бирләшкән  дөләтләр тәшкилатиниң кишилик һоқуқ ишханиси һәм америка әлчиханисиниң кишилик һоқуқ бөлүмигә өзи йолуққан миллий кәмситиш вәқәси һәққидә әһвал мәлум қилмақчи. 

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.