Уйғур путбол һәвәскарлири достлуқ мусабиқиси уюштурди

2010 - Йили 8 - айниң 1 - күни голландийидики алға бас яшлар кулубиниң орунлаштуруши билән белгийидә яшаватқан уйғур путбол һәвәскарлири тәклип қилинип, бир мәйдан достлуқ мусабиқиси уюштурулди.
Ихтийари мухбиримиз пидаий
2010-08-03
Share
uyghur-putbol-305 Сүрәттә путбол мусабиқисидин бир көрүнүш
RFA Photo

Паалийәт голландийиниң индофин шәһиридики бир тәнтәрбийә кулубида өткүзүлгән болуп, голландийә вә белгийидин кәлгән 100 дин артуқ вәтәндашлар қатнашти. Германийидә турушлуқ дуня уйғур қурултийи яшлири комитетиниң рәиси ғәюр әпәндиму паалийәтни тәбрикләп, яшларға мәдәт бериш үчүн алаһидә қатнашти вә уйғурларниң мәниви аниси рабийә ханимниң салимини йәткүзди.

Мусабиқә ахирлашқандин кейин, шу йәргә йеқин бир далада зияпәт берилип, икки дөләттики вәтәндашларниң қизғин сөһбәтлири вә нахша - музика, юмурлири кәлгүсидики иттипақлиққа үмид бәрди. Дуня уйғур қурултийи яшлар комитети рәиси ғәюр әпәнди башлиқ чоңлар өзлириниң қизғин саламлири вә җанлиқ нутуқлири билән йирақ - йеқиндики қериндашлириниң тиләклирини аңлатти.

Түрлүк мәзмун вә чоңқур мәниләргә толған әһмийәтлик паалийәт билән өткән бу йәкшәнбә, иштиракчиларниң көңүллиридә унтулғусиз әслимә қалдурди.

Йеқинқи йиллардин бери түрлүк имканлар билән муһаҗирәт сипигә қетилған уйғурларниң барғансери яшлишип бериши нәтиҗисидә, дуняниң һәрқайси җайлирида яшаватқан уйғур яшлири өзи туруватқан дөләтләрдин һалқип, башқа дөләтләрдики вәтәндашлири билән қучақлашмақта. Иттипақлашмақта. Қолидин келидиған һәрхил иҗтимаий вә мәдәни паалийәтләрниң көлимини кеңәйтип, түрлирини сәрхиллаштурмақта.

Өткән айда белгийидики уйғурларниң тәклипи билән голландийидики яшлар белгийиниң брюссел шәһиридә өз - ара учришип бир мәйдан достлуқ мусабиқиси өткүзүлгән иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт