“Xotende Uyghurlar saqchixanigha hujum qildi” dégen xewerning arqa yüzi

Mundin birqanche kün ilgiri xitay we dunya axbarat wasitiliride, “Uyghurlar xotendiki saqchixanigha hujum qildi” dégen xewer tarqalghan bolsimu, Uyghurlarning néme üchün hujum qilghanliqi we hujumning sewebi heqqide xitay terep héchqandaq melumat bermigen. Dunya axbarat wasitilirimu xitayning axbarat wasitiliri tarqatqan bu xewerning öz eynisini tarqatqan. Emma xotendin chetke chiqqan Uyghurlar bu xewerning tamamen eksini sözlimekte iken. Xotenlik yerlik Uyghurlarning éytishlirigha qarighanda, eslide Uyghurlar saqchixanigha hujum qilghan emes, belki ular ikki kündin biri saqchixanigha naheq soliwélin'ghan ayallirini qutquzush üchün barghan iken.

Dunya Uyghur qurultiyining diniy ishlar komitéti re'isi turghunjan alawudun bizning bu mesile heqqidiki söhbitimizni qobul qilghan idi. Turghunjan alawudun nöwettiki xoten weqesi heqqide özi igiligen ishenchlik uchurni we pikir-qarashlirini otturigha qoyghan bolup, nöwettiki xoten weqesining Uyghurlarning saqchixanigha hujum qilghan weqesi emeslikini, belki islamiy qiyapette kiyinip yüzlirini yögigenliki seweblik naheq soliwélin'ghan ayallirini qayturup kélish üchün saqchixanigha barghanliqini bayan qildi.

Yuqiridiki awaz ulinishidin turghunjan bilen élip barghan söhbitimizning tepsilatini anglaysiler.