Yeken baziridiki bir türküm ahaliler, xitay da'iriliri bilen ghewghaliship ikki binani chéqilishtin tosup qaldi

Yeken bazarliq hökümet emeldarliri, bazarning seychi kentidiki ahalilerge te'elluq bolghan ikki binani ahalilerning maqulluqisiz bir xitay shirkitige sétiwetken hem ahalilerge héchqandaq tölem bermigen. Ahaliler bazarliq hökümetke bérip binaning sétilish ehwalini sürüshte qilsa, da'iriler deslepte binaning sétilghanliqini ulardin yoshurghan؛ peqet bu yil 1 - ayning axiridila binaning sétiwétilgenliki ashkarilan'ghan. Shuningdin kéyin ahaliler ikki binani nöetliship muhapizet qilip, da'irilerning binani chéqishining aldini almaqta.
Muxbirimiz shöhret hoshur
2012.04.13
Share on WhatsApp
Share on WhatsApp
Qeshqerni-cheqish-xitay-pilani-orunliniwatidu-305.jpg "Dölet jughrapiyisi zhurnili"ning dékabir sanida bérilgen "bashqa bir tibet" mawzuluq maqalida uyghurlarning kimliki we hazirqi weziyiti heqqide tepsiliy melumatlar bérilgen bolup, süret, qeshqer qedimi shehirining chéqiliwatqan körünüshliridin biri.
ngm.nationalgeographic.com Din élindi.


Melum bolushiche, tünügün yeni 12 - april küni yeken bazarliq öy chiqish etriti mezkur ikki binaning etrapigha yip tartip, binani chéqishqa heriket qilghan. Buning bilen seychi kentidiki 100din artuq kishi bina etrapigha toplinip, öy chéqish etriti we da'iriler bilen ghewghalashqan we topa ittirish mashinisining aldini tosup qarshiliq körsetken. Ghewgha kücheygende, weqening aqiwitidin endishe qilghan xitay da'iriliri axiri ahalilerning iradisige boysunushqa mejbur bolghan we öy chéqish etritini waqtinche qayturup eketken.

Hörmetlik radi'o anglighuchilar, tünügün yeni 4 - ayning 12 - küni, yeken nahiye bazirining seychi kentidiki ahaliler we bazarliq hökümet da'iriliri arisida ghewgha yüz bergen. Ghewgha chüshtin kéyin sa'et 4 tin 7ge qeder 3 sa'et dawam qilghan.

Melum bolushiche, weqening sewebi mundaq. Seychi kenti 1984 - yili yer teqsim qilghanda, her bir a'ilidin 2 pungdin yer qisip qélip, jem'iy 132 mo yerni kolliktipning mülki qilip békitken we bu yerdin qilin'ghan kirimni ahalilerge teng teqsim qilishqa kélishken. Kélishim boyiche, bu kolliktipke tewe yerning 16moluq bir parchisigha bir méhmanxana we we bir xizmet binasi salghan we kirim qilishqa bashlighan. Yekende yer bahasi örligendin kéyin, da'iriler bu ikki binani bir xitay shirkitige sétiwetken. Emma sétishta, burunqi kélishimge putunley xilap halda, ahalilerning maqulliqinimu almighan, ahalilerge héchqandaq heqmu bermigen.

Tünügün seychi kentning ahaliliri qattiq bir meydan qarshiliq körsetkendin kéyin, nahiye rehberliri weqege derhal arilashqan, weqening aqiwitidin qorqqan nahiye rehberliri bazarliq hökümet emeldarlirini ishni chongaytmasliqqa agahlandurghan. Saqchi we öy chaqquchilarni meydandin tarqitiwetken.

Hörmetlik radi'o anglighuchilar, gerche seychi kentining ahaliliri tünügünki qarshiliqlirida qismen netije qazan'ghan bolsimu, emma, ikki terep arisidiki mesile yeni bu ikki binaning pulini qandaq we qanchiliktin texsim qilish mesilisi téxi hel bolmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.