Amérika népalda tibet musapirlirining qolgha élin'ghanliqidin " chongqur qayghurdi"

Népal da'iriliri jüme küni katmandudiki xitay elchixanisi aldida namayish qilghan tibet musapirliridin texminen 70 dek kishini qolgha alghan. Népal paytexti katmandudiki bir saqchi emeldari fransiye axbarat agéntliqigha 70dek tibet namayishchining qolgha élin'ghanliqini, ularni kéyinche qoyup bérilidighanliqini bildürgen.
Muxbirimiz erkin xewiri
2008-06-27
Élxet
Pikir
Share
Print

 Namayishchilarning köp qisimi rahib we rahibelerni asas qilghan bolup, ular xitay elchixanisi aldida tibet bayriqini kötürüp " nomus, nomus, xitaygha nomus" dégen shu'arlarni towlighan idi. Bu yilning mart éyida yüz bergen lxasadiki isyanning basturulush weqesidin kéyin, népaldiki tibet musapirliri asasen her küni dégüdek paytext katmanduda namayish qilmaqta.

Tibet musapirlirining jüme küni tutqun qilinish weqesi amérikining peyshenbe küni népaldiki tibet pa'aliyetchilirining teqdiridin" chongqur qayghuruwatqanliqi" ni élan qilghandin kéyin yüz berdi. Amérika tashqi ishlar ministirliqi bayanatchisi tam keyséy, " qoshma shtatlar döliti népal hökümitining yéqinda kélsang chung, nawang sangmo, tashi dolma isimlik üch neper tibet musapirlar rehberlirini so'al - soraqsiz tutup turuwatqanliqidin chongqur qayghurmaqta " dep tekitligen hem "bu kishiler derhal we shertsiz qoyup bérilishi lazim " dep eskertken idi.

21 ‏- Iyun küni béyjing olimpik mesh'ili lxasada yetküzülgende népaldiki tibet musapirliri mesh'elni yetküzüsh pa'aliyitige qarshi katmandudiki xitay elchixanisi aldida namayish ötküzgen. Shu küni namayishchilardin 500 adem népal saqchiliri teripidin tutqun qilinip su'al - soraqqa tartilghan.
Toluq bet