Тибәттики хитай көчмәнлири әндишә ичидә

Хитай, 14 ‏ - март ласа вәқәсидин кейин, тибәттики хитай көчмәнлиригә бихәтәрлик вәдиси бәрмәктә. Мәзкур вәқәдә хитай аһалилири, дуканлири асаслиқ һуҗум нишани болған иди.
Мухбиримиз шөһрәт һошур
2008-09-17
Share

 Хитай тибәт партком секритари бу йил 2 ‏ - сентәбир күни көчмәнләр хизмити йиғинида қилған сөзидә, тибәттики хитай көчмәнлириниң мәнпәәтини қоғдашниң әһмийитини тәкитлигән. У сөзидә тибәтниң хитайниң дөләт бихәтәрликидики истратегийилик әһмийити һәққидә алаһидә тохталған.

У тибәттә муқимлиқни капаләт астиға елиш үчүн тибәттики хитай көчмәнлириниң һәр тәрәплимә мәнпәәтигә капаләтлик қилиниши керәк дәп көрсәткән. Партком секритари җаң йиҗюң хитай көчмәнлиригә иш вә бихәтәрлик җәһәттин йетәрлик имкан яритилидиғанлиқини билдүргән.

Мәзкур йиғинниң асаси темиси вә йиғинда оттуриға қоюлған пикирләр, 14 ‏ - март вәқәсидин кейин, тибәттики хитай көчмәнлиридә тибәттин совуш вә қорқуш кәйпияти шәкилләнгәнликини көрсәтмәктә.

Америкидики хәлқаралиқ тибәт һәрикити тәшкилати,16 ‏ - сентәбир күнидики баянатида хитайниң бу түр көчмән сиясити тибәтниң вәзийитини техиму җиддийләштүрүветиду дәп агаһландурди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт