Tibettiki xitay köchmenliri endishe ichide
Muxbirimiz shöhret hoshur
2008.09.17
2008.09.17
Xitay tibet partkom sékritari bu yil 2 - séntebir küni köchmenler xizmiti yighinida qilghan sözide, tibettiki xitay köchmenlirining menpe'etini qoghdashning ehmiyitini tekitligen. U sözide tibetning xitayning dölet bixeterlikidiki istratégiyilik ehmiyiti heqqide alahide toxtalghan.
U tibette muqimliqni kapalet astigha élish üchün tibettiki xitay köchmenlirining her tereplime menpe'etige kapaletlik qilinishi kérek dep körsetken. Partkom sékritari jang yijyung xitay köchmenlirige ish we bixeterlik jehettin yéterlik imkan yaritilidighanliqini bildürgen.
Mezkur yighinning asasi témisi we yighinda otturigha qoyulghan pikirler, 14 - mart weqesidin kéyin, tibettiki xitay köchmenliride tibettin sowush we qorqush keypiyati shekillen'genlikini körsetmekte.
Amérikidiki xelq'araliq tibet herikiti teshkilati,16 - séntebir künidiki bayanatida xitayning bu tür köchmen siyasiti tibetning weziyitini téximu jiddiyleshtürüwétidu dep agahlandurdi.