Далай лама франсийидики зияритини башлиди

Франсийидә шәһәр башлиқиниң күтивелишиға еришкән далай лама, пәйшәнбә күни франсийә ташқи ишлар министири бәрнард кушнәр билән учрашмақчи.
Мухбиримиз әқидә хәвири
2008-08-20
Share

 Бу арида хитай ташқи ишлар министирлиқиниң баянатчиси чиң гаң, франсийиниң тибәт мәсилисигә наһайити еһтиятчанлиқ билән муамилә тутуши керәкликини, бу икки дөләт мунасивитиниң тенч тәрәққияти үчүн бивастә мунасивәтлик икәнликини тәкитлиди.

Норвигийидики тибәт авази радиоси сәйшәнбә күни, франсийидә зиярәттә болуватқан далай ламаниң, җуңго һөкүмити билән өз вәкиллири оттурисида бу йил 7 ‏ - айда өткүзүлгән сөһбәт нәтиҗисидин өзиниң наһайити үмидсизләнгәнликини, шуңа хәлқара җамаәтниң үзлүксиз һимайисигә муһтаҗ икәнликини билдүрди.

Франсийә агентлиқиниң билдүрүшичә, далай лама франсийә ташқи ишлар министири бәрнард кушнәр билән көрүшкәндин сирт, франсийә президентиниң ханими биләнму учришидикән. Көзәткүчиләрниң ейтишичә, далай ламаниң франсийидә ташқи ишлар министири вә президент саркозийниң ханими билән көрүшидиғанлиқи һәққидики учурлар, хитай ташқи ишлар министирлиқи баянатчиси чиң гаңниң икки дөләт мунасивитиниң тәрәққияти үчүн, франсийиниң тибәт мәсилисидә диққәт қилишини қайта ‏ - қайта тәләп қилишиға сәвәб болған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт