Dalay lamaning wekilliri xitay bilen söhbet ötküzüsh üchün béyjinggha qarap yolgha chiqqan

 Eger söhbet tosalghusiz ötse bu xitay hökümitining mart éyida yüz bergen tibettiki qalaymiqanchiliqtin kéyin, sürgündiki tibetler bilen tunji qétim resmiy uchrishishi bolup qalidu.

Dalay lama ishxanisining bayanatida eskertishiche, dalay lamaning 2 neper wekili shenbe küni béyjinggha yétip bérip, xitay rehberlirining wekilliri bilen " gheyri resmiy söhbet élip baridiken". Bayanatta, dalay lamaning wekilliri xitay da'irilirige dalay lamaning xitay da'irilirining tibet weziyitini bir terep qilish usulidin " chongqur qayghuruwatqanliqi " ni yetküzidighanliqini shundaqla wekiller" rayonda tinchliqni ishqa ashuridighan bezi teklip pikirler " ni otturigha qoyidighanliqini bildürdi.

Bayanatta eskertishiche, dalay lama béyjinggha özining alahide wekilliridin lodi gyari, kélsang gyaltsénni yollighan. Tibet sergerdan hökümitining bayanatchisi tobtén sampél, dalay lama wekillirining jüme küni xongkonggha yétip barghanliqini, wekillerning béyjingdiki 3 künlük ziyaritide kompartiye merkizi komitét birliksep bölümining bashliqi du chinglin bilen sözlishidighanliqini bildürdi. Lékin u, söhbet mezmuni toghrisida uchur bérishni ret qildi.

Dalay lamaning wekilliri bilen xitay hökümiti 2002 ‏ - yildin 2006 ‏ - yilghiche 6 qétim uchrashqan bolsimu, lékin söhbet2006 ‏ - yildin kéyin toxtap qalghan idi.