Béyjing olimpik murasimi yépilish munasiwiti bilen népaldiki tibetler namayish qildi

Béyjing olimpik tenheriket yighinining yépilish murasimi boluwatqanda népaldiki tibetlerdin xéli köp sandiki kishiler paytext katmanduda naraziliq namayishi ötküzgen.
Muxbirimiz ümidwar xewiri
2008-08-24
Share

 Amérika awazining xewer qilishiche, 2000 etrapidiki rahib, rahibe we balilar qatnashqan bu namayishqa népal hökümiti ruxset qilghan.
 
Népal chet'ellerdiki tibetlerning muhim baziliridin bolup, 20 mingdin artuq tibetlik yashaydu, bu yerdiki tibetler bu yil 3 - ayda lxasada yüz bergen qarshiliq herikitining basturulushi munasiwiti bilen dawamliq namayish uyushturup kelmekte. Népal saqchiliri bir qanche qétim namayishchilarni tarqitiwetken hemde bir qisim kishilerni tutqun qilghandin kéyin xelq'ara jemiyetning tenqidige uchrighan idi.

Bu qétim népal bash ministiri béyjingni ziyaret qilip, olimpikning yépilish murasimigha qatnashqan. Tibetlerning naraziliq namayish pa'aliyetliri olimpik murasimi jeryanida dawamliq élip bérildi.

Yekshenbe küni amérikining xitaydiki elchixanisi ötken heptide béyjingda tibetlerni qollap namayish qilip, xitay saqchiliri teripidin tutqun qilin'ghan sekkiz neper amérikiliqni derhal qoyup bérishni telep qildi. Tibetlerni qollap tinch namayish qilghan amérikiliqlarni tutup solap qoyushi xelq'ara insan hoquqi teshkilatliri we amérika hökümitining tenqidige uchrighan idi.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet