Xitayning chong tutqunigha qatnashqan shahit gülpipye qazibék: “Hemme ish bir kéchide tuyuqsiz bashlandi”

Gülpiye qazibék 1999-yili eyni waqittiki “Shinjang tébbiy instituti” tarmaq mektipining klinikiliq dawalash kespini püttürüp, ghulja nahiyesige qarashliq döngmazar bazirining pilanliq tughut kadiri bolup teqsim qilin'ghanda, könglige kelgüside bir dangliq doxtur bolush arzusini pükken idi. Lékin u 1999-yildin taki 2019-yilghiche 20 yildek ghulja nahiyesining döngmazar, qarayaghach, ewliya yéziliridiki pilanliq tughut komitétlirida ishleshke mejbur bolghan.

Gülpiye qazibeg üchün éytqanda, 2017-yili Uyghur rayondiki milyonlighan insanlargha ‍oxshashla uning hayati üchünmu bir burulush nuqtisidur. U, bir yéza pilanliq tughut kadiri bolush süpitide, 2017-yili bashlan'ghan shi jinpingning “Yéngi dewrdiki shinjangni idare qilish istiratégiyesi” namidiki keng kölemlik basturush herikitige mejburiy qatnashturulidu. Gülpiye qazibékning éytishiche, “Hemme ish, 2017-yilining bir kéchisi tuyuqsiz bashlan'ghan”.

Gülpiye Qazibék teminlidi

Gülpiye qazibék 2019-yilning axirlirida a'ile munasiwiti bilen qazaqistan'gha köchüp chiqqan. U radiyomizning mexsus ziyaritimizni qobul qilip, xitayning 2017-yili bashlan'ghan chong tutqunida özining ewliye yézisida shahit bolghan tragédiyelik weqelerni biz bilen ortaqlashti. U, bir yéziliq hökümet kadiri bolush süpitide xitayning 2017-yili bashlan'ghan chong tutqunigha mejburi qatniship, basturushning kölimi, tesiri, uning shiddetlik derijisige shahit bolghan we uninggha ashkara guwahliq bergen intayin az sandiki sabiq yéza kadirlirining biridur.

Töwende gülpiye qazibék bilen ötküzgen söhbitimizning 1-qismi diqqitinglarda bolidu.