Уйғур елидики 5 орунда тағ гәвдиси гүмүрүлүш вә қар көчүш апити йүз бәрди


2006.03.20
Share on WhatsApp
Share on WhatsApp

Йеқинқи күнләрдин буян, пакистандики бир қисим районларда уда қар йеғип, уйғур елиниң пакистан билән тутишидиған районлардики 5 орунда тағ гәвдиси гүмүрүлүш вә қар көчүш апити йүз бәрди. Буниң билән икки тәрәп арисидики ташйолда қатнаш үзүлүп қелип, аптомобиллар қапсилип қалди.

Қәшқәр қонҗирап чегра еғизини башқуруш ишханисидики хадимларниң билдүрүшичә, бу апәт сәвәбидин пакистанға баридиған 87 аптомобил қонҗирап чегра еғизида туруп қалған. Һәтта бу йәрдә күтүп туриватқан аптомобилларниң бәзилиригә 10 нәччә күн болған.

Һазир, қәшқәр вилайәтлик мәмурий мәһкимә пакистан тәрәп билән алақилишип, пакистан тәрәптин йолларни имканқәдәр тез раванлаштуруп, туруп қалған аптомобилларниң тездин чегридин чиқишиға капаләтлик қилишини тәләп қилған. Әмма мунасивәтлик даириләр таш йол қатнишиниң қачан әслигә келидиғанлиқини пәрәз қилишниң тәсликини билдүрмәктә.

Бу йил қиш уйғур елидә соғақ һава вә қар апити сәвәбидин келип чиққан апәтләр бир қәдәр көп көрүлгән болуп, уйғур елиниң алтай вилайитидики қар апитидиму нурғун чарва маллар өлгән һәмдә нурғунлири йәм-хәшәксиз қалған иди.(Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.