Америкилиқ адвокат: гуантанамодики уйғурларни меһманханиға йөткәш керәк


2005-07-26
Share

Гуантанамода тутуп туриливатқан уйғурларниң адвокатлиқини өз үстигә алған сабин вилит, америка һөкүмитидин гуанатанамо һәрбий базисида тутуп туриливатқан уйғурларни түрмидин чиқирип, меһманханиға орунлаштурушини тәләп қилди.

26 - Күни "бостон глоб" гезитидә елан қилинған бир мақалида билдүрүлүшичә, гуантанамода тутуп туриливатқан уйғурларниң адвокатлиқини өз хираҗити билән үстигә алған сабин вилит, өткән җүмә күни сотқа әрз сунуп, соттин америка һәрбий хадимлириға гуантанамодики уйғурларни гуантанамо һәрбий базисиниң аилиликләр яшайдиған бөлүмигә йөткәп, уларниң бу йәрдә әркин - азадә һәрикәт қилишиға рухсәт бериши тоғрисида һөкүм чүшүрүшини тәләп қилған.

Вилит сотқа сунған әрзидә, һазирғичә гуантанамода тутуп туриливатқан уйғурларни қобул қилидиған бирәр дөләт чиқмиғанлиқи, уларниң түрмидә тутуп турулушиға сәвәп болалмайду, дегән.

Америка мудапиә минстирлиқиниң, америка һәрбий соти тәрипидин дүшмән җәңчиси әмәс дәп һөкүм чиқирилған 15 уйғур вә бир өзбеккә гуантанамодики түрмидин чиқип, һәрбий базиниң аиликләр яшайдиған районида яшаш әркинлики берип - бәрмәйдиғанлиқи техи мәлум әмәс.

Әмма, гуантанамо түрмисиниң баянатчиси полковник җиф вайир билән өткүзүлгән телефон сөһбитидә җиф вайир аманлиқ вә бихәтәрлик сәвәбидин түрмидә тутуп туриливатқанларни бихәтәрлик райониниң сиртиға йөткәш мумкин әмәс, дегән.

Гуантанамо һәрбий базисиниң аиликләр яшайдиған бөлүмидә, мәзкур һәрбий базида вәзипә өтәватқан 8000 әскәр вә офетсирниң аилә тавабатлири яшайдиған болуп, бу җай кичик бир шәһәргә охшайду. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт